færeyjar eru ædi!!! dagur eitt rett halfnadur en eg brosi hringinn!
æ lov itt!

færeyjar, hír ví komm!

gunni minn náði því að koma heim af sjónum fyrir færeyjaferðina, vúhú! og ég hef mikið þurft að kyssa hann og knúsa til að vinna upp þann tíma sem hann var á sjónum.

en nú fer að styttast í brottför okkar hjónaleysanna til færeyja. fyrsti hluti ferðar er að fara með dallinum upp á land í dag og svo með stálfugli til vágar annað kvöld og þaðan með bussi til tórshavnar, líka annað kvöld.

við hlökkum bæði mjög mikið til enda urðum við ástfangin af landi og þjóð þegar við fórum síðast til eyjanna sem kenndar eru við fær (eins og gunni myndi orða það).

ég lofa engu hvað varðar blog meðan á reisunni stendur en það er aldrei að vita nema að maður geti komist í tölvu einhversstaðar og gefið öppdeit á ferðalaginu.

ég skal skála í föroyabjór fyrir ykkur!

bið að heilsa í bili!

jæja. það var að sjálfsögðu mikið stuð á goslokum. (myndin var tekin í skvísusundinu og er á vefnum sudurland.is, undir ljósmyndir, vestmannaeyjar, goslok 2007)

caps lock hvað var gaman! dýrindis læri og meððí hjá ástu steinunni, garðpartý hjá arnóri bakara og helgu og svo skvísusundið! þjóðhátíðarbrandararnir frá því í fyrra og hitteðfyrra rifjaðir upp og ótrúlega mikið hlegið. við dönsuðum eins og vindurinn, aðallega í tveimur króm og svo var nottlega kjaftað við mann og annan. við stelpurnar skemmtum okkur þrusuvel langt fram undir morgun án kallanna okkar, en þeir verða kannski næst!
annars á gaui gamli ammæli í dag og ég óska honum innilega til hamingju með daginn. vonandi bakar kokkurinn handa þér köku gaui minn!
gunni minn er á leiðinni í land og það er því ekkert því til fyrirstöðu að hann komi með mér til færeyja, júhú! hann kemur heim á morgunn. vei! svo nú er það bara að fara að huga að því að pakka niður fyrir sólina í færeyjum!

goslok

nú um helgina halda vestmannaeyingar upp á það að 34 ár eru liðin frá því að eldgosinu á heimaey lauk formlega, það var reyndar 3. júlí en maður veltir sér ekkert upp úr því.
margt er til að gera sér til dundurs um helgina og sumt af því tengist tyrkjaráninu. ég tók einmitt þátt í sýningu í gærkvöldi sem er samstarf leikfélagsins og félags áhugafólks um tyrkjaránið. þetta er kallað leiklestur og er "inni í" listaverki eftir þórð svansson. í gamla dalabúinu er nefnilega verið að setja upp tyrkjaránssetur.
þessi sýning var reyndar minningarsýning um Runa, leikfélagsmeðlim og hæfileikabombu, en hann lést á síðustu goslokahátíð. hann las einmitt hlutverk séra ólafs egilssonar í fyrri uppsetningu á þessu verki. ég var fengin til að lesa hlutverk tyrkja-guddu og kona að nafni hanna birna las sögumanninn. þetta heppnaðist mjög vel, húsfyllir og stemningin góð. fjölskylda Runa kom og ég gat ekki séð og heyrt annað en að þau hafi verið mjög ánægð með þetta framtak. tengdamóðir Runa (sem er amerísk) fékk meira að segja eiginhandaráritun frá þátttakendum sýningarinnar!
búningurinn sem ég var í var einstaklega vel heppnaður enda vorum það ég og alma sem hjálpuðumst að við að búa hann. (búningurinn úr upprunalegu sýningunni hvarf!)
svo er guðný að koma á eftir og ætlar að gista í svítunni. grill hjá ástu steinunni og svo verður kíkt í skvísusundið í kvöld. bara gaman!

kisuammæli

kisinn minn hann marteinn gormur er 9 ára í dag. og að sjálfsögðu fékk hann rækjur í tilefni dagsins. til hamingju kisilíus!

ég hef ákveðið að pakka sjálfsvorkuninni niður í bili. í bili segi ég vegna þess að ég þekki mig nógu vel til að vita það að ég get ekki pakkað henni niður fyrir fullt og allt. (það er ættgengt að vera dramadrottning, bræður mínir eru samt verri en ég!)

ég náði að rífa mig upp á laugardag og fór með fullt af liði út í stafsnes á tuðrum og þar var grillað, kjaftað, kveiktur varðeldur og fengið sér í aðra tána. svo þegar haldið var heim á leið var farið í partý til ölmu og frigga. ég verð að játa að þetta er eitt mesta stuðpartý sem ég hef farið í lengi. alma átti hrúgu af '90's danstónlist og við fórum að reifa. hún meira að segja dró fram svona sjálflýsandi prik sem við sveifluðum um allt eins og þetta var í denn. aðrir voru ekki alveg jafnhrifnir og fóru á pöbbann, en ég, alma, gaui og friggi fíluðum okkur í tætlur. bara gaman!

svo er búin að vera svona líka blíðan og það hefur bara kallað á að sitja í sólinni eða að vinna í garðinum. ég hef gert meira af því að sitja í sólbaði eins og fín frú. þegar sólin fór að fela sig í gær bar ég reyndar olíu á pallinn, ætlaði að halda áfram í dag en það er aðeins of blautt. svona veður þýðir það að ég hef ekki lengur afsökun til að þrífa ekki húsið mitt að innan. það verður sum sé verkefni dagsins. góð tónlist í eyrun og þá verður þetta ekki mikið mál.

svo styttist í að gunni minn komi heim (vei!) og við skellum okkur til föroyjarna (húrra!). hann nær samt ekki að koma heim fyrir gosloka-afmælið en ég ætla ekki að fara að skæla yfir því, vík frá mér sjálfsvorkunn!

heima er best

það er æðislegt að vera komin heim. veðrið er búið að vera frábært og svei mér ef að mér hafi ekki tekist að sólbrenna aðeins.
en ég er þó búin að átta mig á því (aftur) að það er ekki nógu gaman að vera einn, sérstaklega ef maður er öðru vanur. til dæmis það að skipta með sér verkum. ég er búin að slá garðinn, þvo bílinn, skipta um batterí í músinni, þvo þvott, kaupa í matinn fyrir einn (sem er ekki auðvelt bæ ðe vei), mála grindverk hjá ástu steinunni og gauja o.s.frv. ég tel mig vera mikinn feminista og tel því ekkert eftir mér að gera þessa hluti, finnst reyndar að allar konur eigi að geta gert allt sem viðkemur viðhaldi heimilis, garðs og bíls (nema kannski alvarlegar viðgerðir sem þarfnast iðnaðarmanns). það er samt voða gott að geta samið um hver gerir hvað: ég skal slá ef þú þværð bílinn t.d.
það er heldur ekki bara það að skipta með sér verkum sem ég sakna. auðvitað er það líka bara að hafa gunna minn hjá mér. geta kjaftað við hann í staðinn fyrir köttinn (sem reyndar er ágætt), knúsað hann, borðað með honum og kúrt. ég t.d. vaknaði við það í nótt að ég ætlaði að faðma gunna minn að mér en faðmaði bara sængina hans. það fannst mér ekki gaman.
það styttist þó óðum í heimkomu gunna míns. einhvern tímann innan tveggja vikna að mér skilst. það fer að sjálfsögðu eftir veiðinni. dagleg símtöl draga aðeins úr söknuðinum en það skrítna er að stundum gera þau illt verra. það er sem ég segi nú eins og áður: ég er ekki að fíla að vera sjómannskona!

af ættmennum og útilegu

ég er komin heim á eyjuna fögru eftir ótrúlega vel heppnað ættarmót. við keyrðum af stað tiltölulega snemma á föstudag, stoppuðum nokkrum sinnum á leiðinni og meðal annars á hofsósi og átum þar dýrindis súpu eftir að afi hafði gefið vesturfarasetrinu bréf frá bróður afa sem flutti til ameríku aðeins 12 ára. svo var haldið sem leið liggur að nesi, tjaldað í garðinum og spjallað við fólkið sem kom aðvífandi í smáum hópum.
á laugardag opnuðu systkinin (mamma og co.) málverkasýningu í vitanum. ýkt skemmtilegt og óvenjulegt enda var þetta í gamla vélasalnum og gamla draslið fékk að halda sér en málverkin voru dreifð hist og her um salinn. mjög töff! svo æddum við í fjallgöngu nokkur saman (aðallega yngra liðið) upp einhvern dal (engidal, held ég) að vatnsbólinu og ofar en það og niður aftur. þá tók við rúntur í sund á sólgörðum í fljótum. eins og við ræddum þegar ofan í var komið þá var sundlaugin stærri í minningunni, en fyrir þá sem ekki vita er hún frekar lítil. þar var farið í kafsundskeppnir, boðsund og hvað eina, enda maggi bró og jonni einstaklega miklir keppnismenn. það eru til mýmargar sögur af því en það væri alltof langt mál að telja það upp hér. svo var haldið heim og tekið til við að grilla. farið var í leiki fyrir krakkana, vilborg var með gjörning og svo var upplestur frá möggu og dætrum. jón bjarki mangason las líka upp formála að bók sem hann er að skrifa, mamma las upp sendibréf frá henni til möggu á unglingsárunum og það verður að segjast eins og er: unglingar eru og verða unglingar! shift hvað þetta var fyndið.
seinna um kvöldið var farið í fótbolta úti á túni. peysur voru mörkin og boltinn var aldrei útaf, eins og í gamla daga. svo var setið og sötrað úti í garði, kjaftað og sungið.
sunnudagurinn fór í að ganga frá, borða afmælisköku í tilefni afmælis möggu móðu og keyra heim. og það tók lengri tíma en venjulega sökum ómældrar umferðar þegar nær dró rvk.

en þetta var ótrúlega vel heppnuð helgi, góð mæting og það er sko enginn svikinn af því að heimsækja ofurhjónin jonna og herdísi. bakkelsi í kílóavís og öllum velkomið að sofa inni í húsi ef vildi. þess má geta að við vorum tæplega 50. ég ásamt fleirum lét tjaldið duga þó napurt væri. en maggi bróðir kom með hugmynd að hafa aftur svona hitting eftir tvö ár í trékyllisvík á ströndum. ég er búin að tilnefna hann í nefndina.
sauðanesættbálkur: takk fyrir frábæra skemmtun og ég vonast til að hitta ykkur fljótt aftur!

á leið á ættaróðalið

þá fer maður að pakka niður. ég er búin að finna til tjaldið og svefnpokann en restin er eftir. það er svo langt síðan að ég fór í útilegu að ég veit varla hvað þarf að taka með, jú nema auðvitað langbrækur og ullarsokka.

það vill nú til að tjaldbúðirnar verða settar upp við húsvegg ættaróðalsins þannig að við verðum ekki úti þó svo að kólni. annars er góð spá að mér skilst.

díjjjjj, hvað ég hlakka til. hef ekki komið á nes í 6 ár og það telst mikið þar sem við komum þarna á hverju sumri á árum áður. það verður stuð að hitta ættingjana sem annars hittast ekki nema í brúðkaupum og í árlegu partýi (sumir eru duglegri en aðrir að mæta) hjá ömmu og afa fyrir árneshreppsbúaballið (við höfum verið svo heppin að það eru ekki margar jarðarfarir búnar að vera).

hér fyrir ofan sjáið þið svo áningarstaðinn sauðanes við siglufjörð. heils...

19. júní

jæja, ég vonast til að sem flestir hafi klæðst bleiku í tilefni dagsins.

fyrir þá sem ekki vita þá er 19. júní mikill hátíðisdagur. þennan dag árið 1915 fengu íslenskar konur kosningarétt (þ.e. 40 ára og eldri og þær sem áttu eignir, svo lækkaði aldurinn á einhverju árabili þar til þær voru jafnar körlunum. á endanum var rétturinn jafn hjá konum og körlum, hvort sem fólk átti eignir eða ekki.) og nú minnumst við þess að jafnréttisbaráttunni er ekki lokið þó margt hafi áunnist. og hvaða litur er betri til að vekja athygli á þessu en bleikur, enda með eindæmum áberandi og fallegur.

ég hef lagt mitt af mörkum og borið bleika litinn í dag. ég setti á mig bleikan klút í hjólatúrnum í morgunn, var í bleiku stígvélunum mínum í garðslættinum (úffpúff...) og klæðist nú bleikum kínaskóm og er með bleik sólgleraugu. það sem skyggir á þetta er nú það að ég hef ekki verið mikið úti á meðal fólks í dag þannig að mitt framlag hefur ekki verið áberandi. kannski ég skjótist í kaupfélagið til að sýna mig...

eigið góðan bleikan dag öll sömul!

komin heim....

...í bili alla vega. dreif mig heim í dag. kom við í hveró eins og áður var ákveðið og keypti blóm og cyprus. um leið og ég kom úr draumalandinu í herjólfi tók ég til við að setja allt stellið í potta með tilheyrandi drullumalli. ég held að þetta sé enn einn mælikvarðinn á að aldurinn færist yfir, komin með sumarblóm í potta við húsið sitt. þrátt fyrir þetta veit ég með vissu að ég er ekki með græna fingur, ástæðan: ég er með potta en ekki blómabeð. það er voða gaman að hafa fallegar jurtir í kringum sig en að þurfa að sinna því eitthvað það er ekki minn tebolli.

annars stoppa ég stutt hérna heima. fer aftur á fimmtudag því að stefnt er á sauðanes við siglufjörð á ættarmót mömmufjölskyldu. þar skal sofið í tjaldi ef veður leyfir, fara í fjallgöngur, borða góðan mat og hafa gaman með stórfjölskyldunni.

er enn í borg óttans og er að sigrast á óttanum. vildi bara láta áhugasama vita að gunni minn sjóarinn er farinn að blogga og er kominn linkur hér með vinum og vitleysingum.
heils!

bara blóm

er komin á fastalandið og ég var varla búin að leggja bílum heima hjá mömmu þegar við brunuðum í samfloti með vilborgu móðu og ömmu til hveragerðis.
þar var að sjálfsögðu farið í eden og étinn ís. svo var farið í sumarblómaleiðangur. amma og vilborg þurftu að versla soltið. og þvílíkt og annað eins úrval! ég er nú ekki mikil blómakona en ég þurfti að halda aftur af mér svo ég hefði ekki sjoppað þar til ég hefði droppað. en ég er svo upprifin eftir þessa reynslu að ég hef ákveðið að fara snemma af stað þegar ég fer heim og koma við í blómahafinu áður en ég fer í jólfinn. það verður því heldur en ekki blómaskrúð á ásaveginum í sumar!!!

sumarfrí

já loksins loksins er konan komin í sumarfrí! síðasti vinnudagur í gær, var stuttur í annan endann þar sem lítið var eftir að gera. yndislegt að geta slappað af næstu tvo mánuðina.
annars verður maður á flandri meira og minna í allt sumar. upp á land og heim, upp á land aftur og heim, upp á land, til færeyja og heim, upp á land og heim og svo þjóðhátíð! (ég held alla vega að röðin sé svona)
gunni minn er farinn á sjóinn, fór í gærkvöldi. ég græddi smá meiri tíma með honum eftir sjómannadag því að það þurfti að græja síldarvélarnar fyrir vertíðina. en í gær var það búið og gunni minn sigldur norður fyrir land. að öllum líkindum sé ég hann ekkert aftur fyrr en rétt fyrir færeyjaferð þar sem þeir munu landa á þórshöfn á langanesi næstu vikurnar. jæja, þýðir ekkert að röfla yfir því, það verður þá líka bara miklu skemmtilegra að hitta hann aftur...
það er komin dagsetning á færeyjar, föstudagurinn 13. júlí (shift!) og komum heim aftur 20. júlí. við ætlum að vera grand á því og vera á hótel færeyjum allan tímann og leigja okkur bílaleigubíl 5 af þessum dögum. omg hvað það verður gaman!!! nú situr helga björk vinkona mín og öfundar mig, hehehehe....

ég vona að ég hafi ekki móðgað afmælisbörn maímánaðar þar sem ég gleymdi að telja þau upp (sorrý öddi og lú!). þess vegna ætla ég ekki að gleyma júníliðinu en afmælisbörn júnímánaðar eru mýmörg og ég ætla ekki að gleyma neinum:

eva hrönn, guðný, albert elías, pabbi, mamma, snorri stóri, ísland, árni dagur og auðvitað hún hekla mín. til hamingju öll sömul!

síðasta helgi

ótrúlega skemmtileg helgi liðin. glæsilegt grillpartý (hrefnukjötið bragðaðist geðððeigt vel) sem síðan endaði í góðu partýi og svo farið á púbbann. tuðruferð á sunnudag og brandsferð á mánudag. þar voru grillaðar pulsur, setið og spjallað og útsýnisins notið. myndin er einmitt tekin af heimaey af toppi brandsins. ýkt gaman með góðu fólki og allir sólbrenndir!
skemmtileg helgi framundan líka. sjómannadagshelgin þar sem sjómenn halda árshátíðina sína, minnast látinna félaga, heiðra þá sem unnið hafa afrek og svo framvegis... fyrsta sinn sem ég tek þátt sem sjómannskona og tilfinningar eru blendnar. en þetta verður örugglega ýkt kúl geðveikt...
svo fer gunni minn aftur á sjó eftir helgi, ætlar að fara að moka upp síldinni sem veiðist sem aldrei fyrr að mér skilst, en ég sit ein eftir skælandi...

göngu-hrólfur

sólin skín glatt í eyjum í dag. vildi óska að það rigndi í rvk (sorrý laila og lúlli) en þá væru þau hér um helgina. gangi ykkur annars vel að mála húsið ykkar. vonandi endar þetta í góðu nágrannapartýi!
skellti mér í göngu í morgunn kringum fellið. og fyrir þá sem ekki vita hvað ég á við þá er það helgafellið, ekki eldfell enda ansi stórgrýtt ennþá í kringum það. það er alltaf eitthvað sniðugt að sjá; ég sá hund að spóka sig án eiganda síns, mann að gefa hestunum sínum hey, slatta af lömbum og bakpokatúrista með barnakerru en það hef ég aldrei séð áður.
svo fer maður að undirbúa grillveisluna í kvöld. það stefnir nefnilega í að fleiri bætist í hópinn, vei!
við eva ætlum svo að kíkja í búðina á eftir til að kaupa meðlæti með hrefnukjötinu, nammmmmmmmm, og svo eitthvað fyrir þá kettlinga sem ekki borða þennan eðalmat.
heils!

meira af veðrinu...

eins og sönnum íslendingi sæmir þá verður að tala oft og mikið um veðrið.
njúsflass: það er að skána, örlítið hlýrra og sólin hefur skinið í allan dag. vei! hver gleðst ekki yfir svona fréttum? vonandi er þetta það sem koma skal og síðasta snjókoma sumarsins búin! þá er líka von til að maður geti grillað með borgarbúunum þór og evu um helgina. alla vega erum við að fara að taka hrefnukjöt og svartfugl úr kistunni til að kryddleggja.....mmmmmmm...

af veðurskilyrðum á eyju dauðans

hver bar ekki þá ósk í brjósti að sumarið væri komið við fyrsta sólbruna vorsins? hér í eyjum var það í síðustu viku. bros færðist yfir alla, börn hoppuðu á trampólínum eins og þau fengju borgað fyrir það og fólk með græna fingur (þ.á.m. við gunni minn) tók til við að sinna garðinum.
hvað gerist svo?
haglél, rigning, haglél, rigning og rok með báðu! hvaða rugl er þetta? maður bara spyr. svona á ekki að gerast á suðurhafsparadís eins og vestmannaeyjum!
af þessum sökum erum við gunni minn farin að róa að því öllum árum að klára ferðatilhögun sumarsins; panta flug, gistingu og annað tilheyrandi. og nú getum við ekki beðið eftir því að komast á suðrænni slóðir!
færeyjar, við komum brátt!!!

uppstigningardagur

dagurinn í dag var góður dagur þrátt fyrir skítaveður. ég vaknaði um 9.30 og planið var að fara í ræktina en sökum veðurs nennti ég því ómögulega, lá frekar áfram upp í rúmi og las í bók.
borðaði morgunmat, fór í sturtu og klæddi mig í sparigallann og setti spariandlitið upp og ók af stað í óveðrinu upp í íþróttamiðstöð.
í íþróttamiðstöðinni tók á móti mér heill sveimur af krökkum, þar á meðal mín hrúga. ástæðan fyrir þessu öllu er að þarna var að hefjast skóladagur hamarsskóla með glæsilegri danssýningu.
eins mikil vinna og þessi dagur getur orðið er hann ótrúlega skemmtilegur. ég verð að játa að í dag eins og öll hin árin síðan ég byrjaði varð ég þetta litla meyr og átti bágt með að hemja tárin. bæði var það útaf stolti yfir gríslingunum mínum og pínu sorg yfir því að bekkurinn minn skuli ekki verða eins næsta vetur. en það er önnur saga... krakkarnir mínir voru svo fínir og stóðu sig alveg rosalega vel, ekki við öðru að búast svo sem, en litla hjartað mitt var að springa af stolti.
af danssýningunni var svo haldið upp í skóla þar sem afrakstur vetrarins var sýndur. vel heppnað allt saman!

hér er svo mynd af mér og krakkaskaranum mínum. á myndina vantar gunnar frey og sigurbjörn.

helgin

við gunni minn fórum upp á land á föstudag, afmælisdegi litlu systur (til hamingju lú mín!) til að gleðjast yfir 15. afmælisdegi lúar, nýrri íbúð bjarna vals og evu, nýjum tímum í íslenskri pólitík (geisp) og júróvisjón.

föstudagurinn rólegur. tapaði í trivjal en einhvern tímann verður allt fyrst!
laugardagurinn fór í afmælisveisluna hennar lucyar. gaman að hitta næstum alla móðurfjölskylduna á einu bretti en svo var brunað í innflutningspartý til bjarna vals og evu upp á hellisheiði.
nú spyrja menn sig: bíddu en hvað með júróvisjónpartýið hjá kötlu og örvari?
svarið er: ég sveik lit (roðn) og tilkynni hér með að það mun ég ekki gera aftur nema eitthvað alveg sérstakt komi til!
hvers vegna? spyrja menn og konur.
svarið: jú það skal ég segja ykkur. áhugi hellisheiðarbúa og gestum þeirra á júróvisjón var stórlega ábótavant! það heyrðist varla nokkur tónn fyrir kjaftagangi og samt stalst ég oft til að hækka eins og hægt var (ekki sérlega góðar græjur), meira að segja dirfðist fólk að biðja mig um að fara að horfa á sjónvarpið inn í svefnherbergi!!! það verður því að segjast að ég naut þess ekkert sérlega að horfa/hlusta á júró. annars fín keppni ef maður kann varalestur!
svo ekki nóg með það þá skeit páll magnússon útvarpsstjóri upp á bak þegar hann (ásamt fleirum eflaust) ákvað að kötta á úrslitin fyrir fyrstu tölur úr kosningunum! það var öll fokking nóttin eftir til að velta sér upp úr þessu kosningadóti öllu en bara 4 mínútur eftir af júróvisjón! svo var þetta kosningasýstem að breytast alla nóttina þannig að það skipti ekki máli fyrir fyrstu tölur að vera birtar 4 mínútum fyrr eða seinna.
við örvar ætlum að minnsta kosti að fara í mótmælagöngu út af þessu...

síðan síðast...

frá því ég bloggaði síðast:

• fór ég ekki í kröfugöngu á 1. maí. (held það hafi ekki verið slík hér á suðurhafseyjunni)
• kom gunni heim.
• hef ég verið dugleg í vinnunni eins og alltaf.
• hef ég farið í tuðruferðir.
• hef ég séð lunda. (sumarið er komið!!!)
• hef ég stigið um borð í fyrrverandi kví keikós.
• hef ég farið of sjaldan í ræktina.
• hringt til frakklands til að ræða uppskrift sem mig vantaði.
• komu gestir, pabbi og gulla. ferlega gaman að fá þau!
• eignaðist ég tvær plöntur til að setja í garðinn. (takk pabbi!)
• keypti gunni grill til að hafa á pallinum.
• grilluðum við svartfugl og vígðum með honum grillið. (shift hvað það var gott!)
• hef ég pælt í hvernig ég á að snúa mér í júróvisjón-málum. (árlegt partý hjá kötlu og örvari gefur manni alltaf ástæðu til að leggja hausinn í bleyti)
• velt því fyrir mér hvað á að gefa lú í afmælisgjöf. (hún er að verða 15 ára, omg!)
• hef ég hlakkað til að fara upp á land um helgina og horfa á júró.

svona hefur lífið verið sumsé í stórum dráttum undanfarið.

jæja var að fá skilaboð frá gunna mínum. þeir eru á leiðinni í land. þeir voru að fylla núna í morgunn kl. 08:00 og eru lagðir af stað heim og verða heima milli 14:00 og 15:00 á morgun þriðjudag. þetta gekk allt mjög vel og þeir voru að fiska alla í kaf þarna á bleiðunni. fótreipið og höfuðlínan voru í fínu standi og rússinn og stertinn héldu í öllum köstunum, var stundum bras með smokkinn en það reddaðist alltaf, þeir eru núna að fara að slaka belgnum til að hreinsa hann, reimuðu pokann frá og settu í nótakassann. svo var ekkert bras með stikkið í þessum túr, en þeir skiptu um bakstroffu í byrjun.
frábært að heyra þessar fréttir og nú fer maður bara að hlakka til að sjá gunna sinn. kannski við förum bara í kröfugöngu þegar hann kemur heim! gleðilegan 1. maí!

í síðustu færsu minni endaði ég á því að ræða um færeyjar. þar sem ég er ýkt skotin í færeyjum þá fór ég aðeins að pæla eftir brunann í rvk. þeir sem hafa komið til þórshafnar í færeyjum og víðar í því ágæta landi, sjá það nánast hvert sem þeir koma að færeyingar eru stoltir af sinni arfleifð. gömlu húsin þeirra fá að njóta sín og það er sko ekkert til að skammast sín fyrir!
þegar kemur að því að fara að endurbyggja eða að byggja nýtt á horni lækjargötu og austurstrætis koma að sjálfsögðu ýmsar hugmyndir. byggja eins hús, byggja stærri hús en í sama stíl og þau sem fyrir voru eða risastóran glergöndul. sitt sýnist hverjum...
stundum finnst mér að íslendingar hafi einhverja minnimáttarkennd yfir byggingasögunni. hvað með það þó að við séum ekki með risastóra skýjakljúfa í miðbænum sem skyggja á sólina þegar hún loksins glennir sig? ef ferðamenn vilja sjá skýjakljúfa mega þeir bara fara eitthvað annað (t.d. í kópavoginn....heheheh....), það er nóg af þeim annars staðar!
við eigum að vera stolt af sögunni okkar því hún er einstök, það er engin önnur þjóð sem getur státað af annarri nákvæmlega eins.

vorið góða grænt og hlýtt...

ég ELSKA þennan árstíma þegar allt er að vakna! við fórum í tuðruferð í gær; við sáum selinn aftur á sama stað og síðast, annan sel, öllu stærri, sem dólaði sér norðan megin við heimaey, svartfugl og rita farin að koma sér fyrir á klettasyllum, pokaendur (æðarfugl) eru ótrúlega margar hér í ár en lundinn ætlar að láta bíða eftir sér. ég mun láta ykkur vita um leið og lundinn sest upp, því þá fyrst er komið sumar hér á suðurhafsparadísinni.

annars er allt fínt að frétta. kórinn söng á tónleikum um helgina með tveimur kórum, annar frá þorlákshöfn og hinn frá borgarfirði syðri. vel heppnað og gaman!
við kíktum í afmælisbjór til jórunnar (til hamingju með daginn jórunn!) og svo fór helgin bara í almennt tsjill.

gunni minn er aftur farinn á sjó. (grenj...) en hann vonar að túrinn taki viku því að það er víst þrusuveiði á kolmunna. þeir verða aðeins nær íslandi núna miðað við síðast. mér skilst að þeir verði einhversstaðar kringum færeyjar. og talandi um færeyjar....dánánáná....

...við gunni minn ætlum nefnilega að fara til færeyja í sumar og eyða u.þ.b. 10 dögum í góðu yfirlæti. við ætlum að fljúga en við erum ekki alveg búin að ákveða hvort við ætlum að vera á hóteli í þórshöfn (ótrúlega freistandi) eða leigja okkur bústað. svo ætlum við að leigja okkur fjallabíl og rúnta um allar trissur og hver veit nema maður fari í ferjur til að skoða þær eyjar sem ekki eru í vegtengingu við restina af landinu.
jeeeeeeminnnn hvað ég hlakka til! færeyjar eru ðe pleis tú bí!

blogglífið

ég veit vel að ég er ekki duglegust í heimi við að blogga. en ég reyni að fylgjast með vinum og vitleysingum sem eru með bloggsíður og það er bara ekkert rosamikið að gerast.
þannig að nú ætla ég að fara að hvetja alla (mig líka) til að hressa sig við með hækkandi sól og blogga meira, allavega oftar...
allir saman nú!

Gleðilegt sumar!

vinir og ættingjar út um allar trissur, gleðilegt sumar og takk fyrir samverustundirnar á liðnum vetri!
sumarið hófst heldur en ekki vel hér í eyjum. vaknaði kl. 7.10 og gerði mig klára fyrir daginn. stormaði í herjólf, lagði mig, fór úr herjólfi og í rútu til rvk. við fengum svo að borða í safnaðarheimili grafarvogskirkju og svo var æft og svo tjillað þar til kaffihúsamessan byrjaði kl.16.00. fólk streymdi að og það gladdi hjartað að mamma og lucy komu ásamt manga frænda og dagbjörtu. svo komu pabbi og gulla líka og auðvitað elísabet. elli pé komst ekki þar sem hann er enn að jafna sig eftir hnéaðgerð.
en þetta tókst mjög vel. við sungum eins og vindurinn og svei mér ef heimsfrægð er ekki á næsta leyti...
svo var keyrt ansi hratt til að ná flugvél á bakka...fjú...en ég er ofsakát með að hafa verið komin heim kl. 20.00 í stað 22.30 með jólfinum.
eníhú...heppí sommer!

kannski er heimsfrægðin að fara að banka uppá???
í tilefni fyrsta dags sumars (fimmtudaginn 19. apríl n.k.) ætlar kórinn að bregða undir sig betri fætinum og syngja í stórborginni reykjavík.
klukkann 16.00 að staðartíma mun kaffihúsakór landakirkju syngja við kaffihúsamessu í kjallara grafarvogskirkju.
allir áhugasamir eru beðnir að mæta og hvetja sína konu! hallelúja!

vorið er næstum komið. ég sá fleiri tugi af lóum suðrá eyju, tvo tjalda og nú er beðið eftir að lundinn setjist upp. en hann er mættur, situr á sjónum og bíður eftir að setjast upp og þar með tilkynna eyjamönnum að sumar sé í nánd. svo er grasið farið að grænka í garðinum mínum og birkikvisturinn byrjaður að bruma. þetta er æðislegur tími og enn betri framundan!

en hann maggi stóri bróðir minn á ammæli í dag. ekki nema 36 ára, unglingurinn sjálfur! innilega til hamingju elsku bróðir! vildi að ég kæmist í skötuveisluna í kvöld!

annars eru fleiri ammælisbörn í apríl sem ég gleymdi að segja frá:
nýfæddur kötlu og örvarsson, 3. apríl
sigríður birta, 6. apríl
lilja eygerður, 7. apríl
nottlega maggi bró, í dag 14. apríl
margrét þórhildur danadrottning, 16. apríl

til hamingju öll!

Lukku Láki

ég var að vandræðast í dag við að útbúa verkefni í landafræði fyrir 9. bekk. við erum að læra um bandaríkin og ég var að hamast við að gera glósur og það í páer pojnt. svo þegar því var lokið var ég að pæla hvaða skemmtilega verkefni ég gæti búið til. (ég reyni nefnilega að koma með eitthvað nýtt, hipp og kúl í hvern tíma) og þá gerðist það! eitthvað var talað um villt vestrið í kennslubókinni og hvern tengir maður helst við það? engan annan en Lukku Láka!

það fór því svo að ég bjó til verkefni um kauða og hans hundtrygga Léttfeta. hver nemandi velur sér bók um félaga Láka, skrifar um hana, höfundinn, hvar hún gerist og hvaða atburði hún tengist í sögunni. (munið þið ekki eftir öftustu blaðsíðunni í bókunum þar sem alltaf var sagt frá einhverju sem maður nennti ekki að lesa?)

eníhú, ég fíla Lukku Láka í dag sem endranær.

vorið komið?

fórum í fyrstu tuðruferð sumarsins í gær. veðrið var of gott til að sleppa því þó að kalt væri. klæddum okkur bara vel og við fórum vestur fyrir heimaey og austur að bjarnarey.

vorboðinn okkar, lundinn, sást ekki, en nokkrar ritur voru búnar að koma sér fyrir á klettasyllum og það var sægur af æðarfugli út um allt.

það sem var þó merkilegast í þessari ferð var að ég sá skarf æla upp úr sér fiski til að geyma til betri tíma OG svo sáum við selkóp sem lá í mestu makindum inni á kví inni í klettsvík. við komumst alveg ótrúlega nálægt og hann stakk sér ekki í sjóinn fyrr en gunni gerðist svo djarfur að klappa honum. þá hvæsti hann og stakk sér til sunds.

vonandi tekst mér að setja mynd af selnum snorra þessu öllu til sönnunar.

nýyrði

jebbs...fór í þórsmörkina á fimmtudaginn. við gátum samt ekki tekið júnímokinn þar sem hann bilaði í upphafi ferðar. þrátt fyrir það var farið á þessum líka fína jeppa. þetta var rosagóð ferð, farið í fjallgöngu, grillað í holu, drukkinn bjór og svo var líka þessi fína kvöldvaka sem skálavörðurinn stóð fyrir. þar var til skemmtunar myndasjóv af jeppaferðum skálavarðarins og vina hans. við höldum að þetta hafi verið hans leið til að svæfa villingana frá vestmanneyjum.
það sem stendur þó upp úr eru nýyrðin sem urðu til:

bensíndólgur = sá sem dælir bensíni, borgar ekki fyrir og keyrir í burtu.
andversa = öfugmæli
færeyskur sleðahundur = hundur sem er líkur íslenskum fjárhundi en hefur hæfileika grænlensks sleðahundar.

við samferðamenn mína segi ég: takk fyrir skemmtunina!
við alla: gleðilega páska!

páskafrí!

þið megið óska mér til hamingju. ég er komin í páskafrí! jei! nú verður sko slakað á, borðaður góður matur, farið í þórsmörk eina nótt (farartækið sem verður farið á heitir víst júnimok) og hver veit nema maður geti hitt á familíuna eitthvað. og ekki nóg með það þá er gunni minn á leiðinni í land!!! húrra!!! hann verður kominn í land aðra nótt, þannig að við skellum líklega á skó eftir helgi. jeminn hvað ég hlakka til að knúsa kallinn minn, get ekki beðið...

fýlan farin í bili

nú andar maður að sér frísku vorloftinu án ilmefna frá bræðslunni. hvað það endist lengi er ekki vitað. það fer eftir því hvað siggi stormur ákveður að gera með veðrið. er að spá í að bjóða honum mútur.
gunni minn er á sjó og svo langt úti í rassgati að þeir eru ekki í símasambandi nema í gegnum gervihnött eða eitthvað álíka. ef að menn hafa ekki áttað sig á því fyrr þá vil ég segja þetta: mér finnst það sökka að vera sjómannskona!!! en það styttist víst óðum í heimkomu guðmundar ve, vonandi í þessari viku. seinkar líklega eitthvað vegna slyssins sem varð um borð um helgina. og fyrir þá sem ekki fylgjast með fréttum þá er það að frétta að hinn slasaði komst undir læknishendur 15 klst. eftir að slysið átti sér stað (þeir þurftu að sigla á móti þyrlunni því þeir voru svo langt í burtu), viðkomandi var læknaður og útskrifaður seinna sama dag. hef ekki heyrt neitt meira en vonandi er hann á góðum batavegi.
í kjölfar þessar atburða hef ég lent í miklum umræðum við fólk um öryggi sjómanna og allt sem sjómannslífinu fylgir. þar sem ég er ennþá soldil pannsla í bransanum þá sit ég aðallega og hlusta á misviturleg komment. en þetta er pæling sem vert er að velta alvarlega fyrir sér og eitthvað sem fólk ætti að láta sig varða. ætli það sé hægt að múta einhverjum til að bæta úr þessu???

peningalykt

það eru margir sem búa í sjávarplássum sem dásama hina svokölluðu peningalykt. fyrir þá sem ekki vita hvað það er þá er það fýlan sem kemur þegar verið er að bræða loðnu/síld/kolmunna í mjöl.
ég hef aldrei verið hrifin af þessari lykt og þessa dagana er þetta alveg að fara með mig. það er líklega verið að bræða u.þ.b. vikugamla loðnu sem hefur legið einhvers staðar í viðbjóði og lyktin er eftir því. svo vill ekki betur til en að það er líka hæg norðanátt (þ.e. í dag) og því liggur leið þessa fnyks akkúrat yfir hverfið mitt. mér finnst húsið mitt anga af þessu ógeði og ilmkertin sem ég kveikti á í kvöld slá ekkert á þetta. gunni minn segir að vindáttin breytist á morgunn þannig að ég get í alvörunni andað léttar!

ég kveð ykkur með andarteppu og vonandi verð ég orðin rík af óverdósi af þessari fýlu...

ég fékk líka ammæligjöf í dag, liggaliggalái...og það frá útlöndum! jebb hún lilja mín og strákastóðið voru að senda mér dvd af tónleikum depeche mode: touring the angel. ég fékk þvílíkan fiðring þar sem við lilja fórum einmitt á tónleika í þess ferðalagi þeirra félaga úti í lyon í fyrra. ég skellti þessu nottlega í græjurnar eftir að hafa spjallað við lilju (sem unir sér vel í 18 stiga hita og notalegheitum í meximeux) og ég sver'ða ég fékk gæsahúð hvað eftir annað og svei mér ef að það örlaði ekki á einu eða tveimur tárum á hvarmi. takk takk takk og dm rokkar!

annars er gunni minn heima núna og verður eitthvað áfram. hann er kominn með fast pláss á guðmundi ve og ég er offissjallí orðin sjómannskona. djö...finnst það ekki gaman en svona verður þetta að vera. hann fer líklega á sjó aftur í lok mars.

við fórum einmitt á árshátíð starfsfólks grunnskóla vestmannaeyja um síðustu helgi. svaka stuð, góður matur, skemmtilegt fólk, fyndin skemmtiatriði og svo fórum við í partý til ástu steinunnar og gauja. guðný var nebbnilega í eyjum þannig að maður varð að drekka eins og einn bjór með henni. mikið gaman og mikið grín.

svo erum við boðin í mat annað kvöld til samkennara míns og spúsa hennar þannig að það er nóg að gera í félagslífinu! manni leiðist sko ekki á eyju dauðans!

af partýstandi og öðru hressandi...

ég fór í alveg ÓGEÐSLEGA skemmtilegt partý um síðustu helgi. ég fór til borgar óttans gagngert til að mæta í árlega fjölskylduteiti hjá ömmu og afa. josé hennar möggu móðu eldaði portúgalskan pottrétt, vilborg bakaði brauð og bjó til hvítlaukssmjör (ýkt gott) og svo mættu menn með missterka drykki til að skola öllu niður. hulda og stella komu, mamma og lú auðvitað, öddi og harpa (nýtrúlofuð og sæt. innilega til hamingju með hvort annað krúttin mín!), mangi móði og dagbjört, turi, hallur og frú og jón bjarki og frú. svo voru gestgjafarnir að sjálfsögðu í mesta stuðinu.
það var kjaftað, sungið (öddi spilaði á fimmtuga gítarinn hennar ömmu, leyfði reyndar fleirum að prófa þegar leið á kvöldið. magga móða, þú rokkar!), hlegið, farið í leiki, á trúnó og fullt af allskonar. og það var svo gaman að 4/6 systkinum mömmu voru á staðnum og þær systur tróðu upp við góðan orðstír. frábært að samband þeirra systkina allra er orðið annað og betra en á tímabili. hugsum ekki um það... aðeins tveir af partýgestum enduðu svo á árneshreppsbúaballinu, færri en oft áður. en ætli það verði ekki fleiri næsta ár. þetta árlega partý er komið til að vera! það þurfa bara fleiri að mæta, gera þetta að almennilegu ættarmóti. þetta er skemmtilegasti árlegi viðburður í heimi, svei mér ef þetta er ekki betra en jólin!
ekki nóg með það þá skemmtu viðstaddir sér svo vel að það er búið að plana sauðanesgleði í lok júní á sauðanesi! ég og stella settar í nefndina og öddi í söngbókarnefnd. búið að ákveða dagsetningu og jonni farinn að útbúa fullbúið tjaldstæði úti á túni. mér skilst líka að það verði góð mæting. alveg frábært!

nýtt lúkk og nýtt líf?

eins og hundtryggir lesendur hafa tekið eftir er bloggið mitt búið að fara í extrím meikóver. aðalástæðan var til að geta sett linka vina og vandamanna inn. ekki móðgast þið sem ekki eruð komin inn því ég er bara nýbúin að læra þetta og er að vinna í þessu.
þetta verður allt annað líf...

jæja heimsfrægðin verður að bíða aðeins...
þannig er það nebbnilega að kórinn er ekki að fara að syngja í smáralindinni um helgina eins og planað var. við getum ekki farið án kórstjórans sem ku vera veikur, við yrðum eins og höfuðlaus her án hans. reyndar áttum við líka að syngja í hafnarfirði og í dómkirkjunni sem yrðu svona hliðarspor í átt til heimsfrægðar, en smáralindinn hefði reddað okkur. ojæja...kannski seinna.

fundinn!

já nú er ég hissa (ja samt ekkert svo af því ragnar afi minn hafði nefnt sögusagnir um svipað við mig...) en menn segjast vera búnir að finna jesús og frú. eða sko gröfina þeirra.
það verður gaman að fylgjast með þessu. en hvernig ætla þeir að nota dna til að sanna að þetta sé guðsonur og fjölskylda? þarf ekki að bera það saman við eitthvað annað? það er a.m.k. gert í csi, notað hár úr hárbursta, munnvatn, sviti.... ætli þeir lumi á einhverju óvæntu? greiðu jesúsar? blóðslettu af krossinum? ætli þetta verði ekki bara eitt af því sem menn munu rífast um örófir alda? eins og það sé ekki nóg að rífast um fyrir....omg...

enn og aftur...

núna er umræðan byrjuð enn og aftur um launakjör kennara. einmitt af sama tilefni byrjaði jors trúlí að blogga.
í gær eða fyrradag voru bornir í öll hús í landinu bæklingar til að skýra frá vinnutíma og launakjörum kennara. það er alveg grjótmagnaður andskoti að kennarastéttin skuli vera sú eina sem þarf að verja vinnutímann sinn. heldur fólk virkilega að kennarar séu aldrei í vinnunni? og að þeir eigi ekki skyldar þessar krónur sem þeir fá útborgaðar?
nú eru grunnskólakennarar orðnir langt á eftir sambærilegum stéttum í launum s.s. leikskólakennurum, þroskaþjálfum, framhaldsskólakennurum o.s.frv. er það í lagi? frábært að leikskólakennarar og þroskaþjálfar skuli loksins vera búnir að fá leiðréttingu sinna launa en er það samt ástæða til þess að halda grunnskólakennurum niðri? núna munar 300-500 þús. ísl. króna á ársgrundvelli á grunnskólakennurum og þessum fyrrgreindu stéttum. er ábyrgð grunnskólakennara minni?
ég held að ráðamenn verði að átta sig á því að ef að þeir taki sér ekki tak verði stórflótti menntaðra kennara úr stéttinni. og svo er kvartað yfir því að íslenskir skólar séu ekki góðir. hvernig er hægt að halda úti góðum skólum ef kennarar eru á lúsarlaunum en líka að kafna úr vinnuálagi og skólarnir eru fjársveltir? hverjir tapa mest? krakkarnir auðvitað! framtíð landsins sem svo oft er nefnd á hátíðlegum stundum og auðvitað rétt fyrir kosningar...
ég er brjáluð...

gunni minn er heima, vei! þeir komu til eyja í morgunn og ég sótti hann niður á bryggju rúmlega 7 en svo fór hann aftur á vakt klukkan hálfeitt til hálfsjö (til að halda áfram að frysta loðnuna sem að mér skilst sé að fara til rússlands) og auðvitað var ég búin að elda handa honum þegar hann kom heim klukkan hálfsjö. ég er að reyna að bæta honum upp þann óskunda sem færeyski kokkurinn gerir honum um borð. svo fer hann aftur klukkan hálfeitt í nótt í frystihúsastemmingu. veit ekki alveg hvenær þeir fara á sjó aftur en það er mjög líklegt að gunni minn geti verið um borð það sem eftir lifir vertíðar. alla vega fer hann næsta túr, hvað sem svo verður.
ég er svo glöð að hafa gunna minn heima að ég ætla að skrópa á kóræfingu þó svo að kvöldið fari væntanlega í það að horfa á hann sofa...

þá er ég grasekkja þessa dagana. gunni minn er orðinn sjómaður, dáðadrengur og byltir loðnunni inn fyrir. hann er að leysa af á guðmundi og þeir eru að kasta fyrir austan land. ég heyri nú í honum samt á hverjum degi eftir dagvakt en ég segi það enn og aftur: ég myndi aldrei höndla að vera sjómannskona! nógu slæmt er þegar gunni minn er að vinna uppá landi en hann kemst þó alla vega heim þegar ekki er hægt að vinna vegna veðurs eða einhvers annars.
en gunni minn er víst að hríðhorast þarna um borð. kokkurinn er færeyskur og maturinn er ekki að gunna míns smekk (og ekki hinna heldur að mér skilst). greyið!
en annars er lítið að frétta. vinna, borða, sofa o.s.frv. reyndar eru byrjaðar stífar æfingar hjá kórnum vegna tónleikaferðar upp á land fyrstu helgina í mars. þar verður sungið í hafnarfirði, í smáralindinni og í dómkirkjunni. þannig að lítið verður um djamm væntanlega, ekki vill maður koma illa sofinn og angandi af kaupstaðarlykt í dómkirkjuna á sunnudagsmorgni! en þetta verður örugglega mikið fjör en leiðinlegt að missa af árshátíð árneshreppsbúa sem er sömu helgi. fyrsta skipti í mörg ár sem ég fer ekki... jæja það kemur önnur eftir þessa. en það verður samt pottþétt farið í partý til ömmu og afa eftir tónleikana í smáralind.
og nú byrjar plöggið: allir að mæta í smáralind og sjá drífu litlu lofsyngja drottinn allsherjar. það er ekki eitthvað sem sést á hverjum degi!
hlakka til að sjá ykkur þar!

raunveruleikaþættir?

það mætti segja það um mig að ég væri nokkuð húkt á raunveruleikaþáttum svokölluðum. ég vil fylgjast með amazing race, survivor, americas next, american idol. helst einhverju sem telst keppni, hvað svo sem það segir um mig. en ég verð að segja að ég er ég algjörlega gáttuð á allri þeirri vitleysu sem hellist yfir mann á næstum öllum sjónvarpsstöðvunum. hvað er t.d. skemmtilegt við að fylgjast með fasteignasölum í ameríku? selst húsið eða ekki? er termítavandamál? kommon, þetta er ekki einu sinni keppni!!! svo eru þættirnir með ríku húsmæðrunum. ég get svarið það! á að fá sér bótox eða ekki? þarf að skipta um tenniskennara? hvaða lit af bmw á að gefa 16 ára unglingnum? já heimur versnandi fer og sjónvarpsheimurinn líka. hvað verður okkur boðið upp á næst? æsispennandi þátt um meltingartruflanir múrmeldýra?

orðin tuttugu og tólf

verð að segja að líf mitt eftir ammælið hefur ekki mikið breyst. kannski hef ég þroskast eitthvað en alla vega hef ég ekkert stækkað!
bara ðe seim óld seim óld: vinna borða sofa eins og hjá flestum. ekkert merkjó að gerast. bíð bara eftir því að gunni verði aftur eldri en ég sem verður 30. jan. hehehe...gamli kall...

AMMÆLI!!!

ég á ammæli í dag
ég á ammæli í dag
ég á ammæli sjááálf
ég á ammæli í dag!
vei!

hækkanir

var að lesa um hækkun á fargjaldi strætó hjá henni evu minni. ekki gott mál fyrir borgarbúa og umhverfið sbr. mengun sem fylgir mikilli notkun einkabíla.
í svipuðum dúr er þetta:

Nú hefur Eimskip tilkynnt um hækkun á fargjöldum með Herjólfi, þjóðvegi Eyjamanna. Verðhækkunin verður yfir 10% og þótti mörgum nóg fyrir. Eftir hækkunina mun fjögurra manna fjölskylda, á fullu fargjaldi, greiða um 16.000 krónur til að komast fram og til baka á fjölskyldubílnum. Og þetta gjald þurfa Eyjamenn að greiða í hvert sinn sem þeir bregða sér bæjarleið.

skítt???? eiginlega...

hið sívinsæla veður...

eftir að hafa þusað yfir veðrinu í síðustu færslu þá fór ég aðeins að spekúlera.
sko...það einhvern veginn virðist alltaf koma okkur íslendingum á óvart þegar veturinn skellur á af alvöru. á hverju ári bilast allt í fyrstu hálku og dekkjaverkstæði yfirfyllast af örvæntingarfullu fólki sem reytir hár sitt og skegg yfir þessum óvænta viðburði. fólk sem ekki aðhyllist skíðaíþróttina eða þoturennsli fussar og sveiar ef að rigningin dirfist að breytast í snjókomu. færðin verður óþrjótandi umræðuefni. þegar tekur að vora og regnið fossar úr skýjunum og vindurinn blæs þá eru allir hundfúlir yfir því að sólin láti ekki sjá sig. svo þegar sumarið kemur og sólin birtist endrum og sinnum þá er aldrei nógu heitt.
ég held að þetta sé vítahringur sem við íslendingar eigum erfitt með að ná okkur út úr. ætli það takist einhvern tímann?

janúarpælingar

janúar æðir áfram. prófin búin og maður hamast við að græja einkunnir og undirbúa foreldrafundi og komast yfir að plana næstu önn. brjálað að gera.
veðurguðirnir virðast vera eitthvað pisst við okkur þar sem ógeðslegur skítaviðbjóðskuldi hefur verið að hrella okkur og ekki nóg með það er SNJÓR!!! ömurleg færð og ekki verandi úti. mætti halda að maður búi norður við heimsskautsbaug!

svo eru það auðvitað öll ammælin. fór í ammæli til lailunnar minnar á föstudagskvöldið. skellti mér í herjólf og barðist við ógleðina en það var fljótt að snúast í gleði þegar maður mætti í stórsteikina hjá lailu. rosa dinner og partý fram á nótt. elsku laila innilega til hamingju með ammælið!
eitthvað kíkt á útsölur en var hálfrykug...hemm....hemm...og hafði því ekki orku í páersjopping.

mamma flutti í nýju íbúðina sína. ýkt fín risíbúð og vonandi líður þeim mæðgum vel þar.

svo var farið í ammæli til andreu litlu á sunnudag. að því loknu var ekið í þorlákshöfn þar sem herjólfur beið mín. og mér til mikillar ánægju var ferðin heim ánægjulegri en uppálandferðin.

en svo halda ammælin áfram. nú mitt auðvitað og svo gunni minn. þríburarnir hennar siggu áttu ammæli 13., elín 3., bibbi og kristjana 9. og 11., örvar á ammæli 25., rokkarinn 28. og fanney 31. ég vona að ég gleymi engum. en til að friða samviskuna óska ég öllum innilega til hamingju með dagana sína!

þrettándinn

jæja þá eru jólin loksins búin...þ.e.a.s. á miðnætti. við gunni minn fórum að sjálfsögðu að sjá flugeldasýninguna, gengum í blysför jólasveina og trölla og fórum svo á malarvöllinn og fygldumst með tröllunum og grýlu og leppalúða hrella börnin við brennuna. þar voru líka að venju púkar og álfar að dansa. það jók enn á ánægjuna að hitta á helgu dís sem að mér sýndist var agndofa yfir því hvað vestmannaeyingar eru klikkaðir. hún var víst líka búin að vera að taka glósur allan daginn yfir fræðslumyndum og gömlum skjölum sem fjölskylda svila hennar sá um að sýna henni og fjölskyldunni. þau hjónin eru víst orðin sérfræðingar í lögn vatnsins til eyja.
en við gunni minn nenntum ekki að bíða eftir seinni flugeldasýningunni enda frekar leiðinlegt veður og rukum heim að elda humarinn sem bragðaðist svona líka vel.
og nú ætla ég að liggja á meltunni fram eftir kvöldi og jafnvel sötra bjór ef (vín)andinn kemur yfir mig.
vi ses...

jólin og árið!
hef ekki getað hripað neitt niður sökum anna og appelsína. svo hefur verið eitthvað rugl í þessu tölvudæmi eins og venjulega þegar líður að jólum. hafði skrifað langa romsu um allt sem hefur á dagana drifið í nóv og des en það vildi einfaldlega ekki póstast...
vona að þetta hafist...
annars allt gott að frétta, mikið étið um jólin og gaman að hafa mömmu og lucy hér yfir hátíðarnar. og svei mér þá að nýtt ár leggist ekki bara vel í mann...húrra fyrir 2007!

verðlaun?

ég held ég fari bráðum að fá hin þekktu verðlaun LETIHAUGINN fyrir einstaklega fáar bloggfærslur núna undanfarna mánuði. ég held ég sé vel að þeim komin þó að ég geti ekki viðurkennt að ég sé mjög stolt af þessum titli. og eins og sannur letihaugur ætla ég að afsaka mig smá.
það hefur gengið á ýmsu: mikið að gera í vinnunniþar sem ég er að asnast til að leggja fyrir próf í gríð og erg og setja nemendum fyrir ritgerðir, er byrjuð aftur í kórnum, americas next og survivor taka tvö kvöld í viku, það hefur fækkað í dýrastofninum á heimilinu (blessuð sé minning Cassöndru) og ýmislegt sem ekki verður minnst á hér...kannski aðallega vegna gleymsku...býst við að það sé að ganga þar sem laila mín virðist þjást af því líka.
stefnan er að gera bragarbót á, spurning hvernig það mun ganga, en viljinn er til staðar þó að nennan sé það ekki alltaf...
hilsen...

hef reynt eins og rjúpan og fleiri að blogga. tæknin hefur eitthvað verið að stríða mér og ekki viljað pósta þessi frábæru skrif mín. að þessu sögðu kemur hér stuttur listi yfir hvað hefur verið í gangi hjá mér undanfarið.

• fór um daginn upp á land. eyddi tímanum aðallega með mömmu og öðrum limum sem kenndir eru við fjölskyldu. hún er bara hress miðað við allt og allt. hún er að þyngjast, hún hefur ekki misst hárið og hún er ótrúlega orkumikil. lucy plumar sig vel í skólanum að sögn, dansar ballett eins og vindurinn og bíður spennt eftir því að fá að heimsækja uppáhaldssystur sína til eyja.
• börnin mín voru í samræmdum prófum um daginn. held að þeim hafi bara gengið nokkuð vel en það kemur að sjálfsögðu í ljós þegar þar að kemur. einhverjir muna væntanlega mínar skoðanir á samræmdum prófum en læt það vera að viðra þær hér aftur. áhugasamir geta hringt eða sent mér póst.
• er svo að fara á snæfellsnesið til magga bró og fjölsk. um helgina enda er að bresta á vetrarfrí.

tæknin farin að stríða mér ætla að prufa að senda þetta helv....

lundaball

lundaball tókst mjög vel og vel var tekið á því og dansað, talað og hlegið af miklum móð. sá samt enga lunda á dansgólfinu, bara á hlaðborðinu...

gunni minn stóð sig vel í skemmtiatriðunum en ekki eins vel að dansa við spúsu sína. ég var eiginlega allt kvöldið að skanna dansgólfið og reyna að ræna dansherrum og hitti einn mjög góðan en það var enginn annar en séra kristján, sá kann sko að tjútta!

elliðaeyjingar munu sjá um lundaballið á næsta ári. munu þeir toppa þetta? veit ekki, kemur í ljós.

og í framhaldi af þessari umræðu, þ.e. úteyjamálum, þá er gunni minn orðinn fjárbóndi. hann ásamt fleirum var að kaupa 6 nýjar rollur til að hafa í brandinum og þá eru þær orðnar samtals 10. þannig að næsta haust verð ég væntanlega að gera gúllas og hakk, svíða svið, taka slátur, saga niður hryggi og læri, frysta hjörtu, lifrar og nýru og allt annað sem fylgir sláturtíð í sveitum. reynslumeiri félagar mínir eru velkomnir til að hjálpa!

þannig að ég er ekki bara kona útgerðarmanns heldur bónda líka. er þetta ekki voða íslenskt eitthvað? ég er alla vega að fyllast þjóðrembu...

brandaraball????

já hvað er nú það. lundaballið er annað kvöld og að þessu sinni eru það bjargveiðimenn í eyjunni brandi (brandarar) sem sjá um gleðina. hann gunni minn er einmitt brandari og hefur sýnt geysilega leikhæfileika ásamt fleirum í skemmtiatriðum kvöldsins. ég er einmitt búin að fá að sjá smá...enda væri annað rugl þar sem ég bý nú með manninum.
já árshátíðirnar gerast ekki skemmtilegri en þetta, lundi eldaður á ótrúlegasta hátt, ógeðslega fyndin skemmtiatriði, sungið og trallað, skemmtilegt ball og miðnæturhumarsúpa fyrir fólk á öllum aldri sem hefur náð þeim áfanga að kaupa áfengi og tengist þessum vitleysingum sem finnst gaman að snúa fugla úr. alla vega hefur verið ýkt gaman í þau skipti sem ég hef farið og því hlakka ég ýkt til...
lundaball rokkar!!!!

omg!!!!

mér er orða vant, aldrei þessu vant...
ég er með kveikt á sjónvarpinu núna (sem er ekki í frásögur færandi) en í gangi er þátturinn: í sjöunda himni með hemma gunn á stöð 2. ég fékk kjánahroll um leið og raggi bjarna (sem reyndar er alltaf í flottum jakka!) kallaði á hemma til að syngja með sér...
ég er að hugsa um að segja upp áskriftinni af stöð 2 og afþakka viðskipti mín við 365, djöfulsins viðbjóður sem þessi þáttur er!!! er verið að hafa íslensku þjóðina að fífli??? það er ekki hægt að bjóða okkur hvað sem er!

eins og þið kannski sjáið þá mæli ég ekki með þessari vitleysu....oj!

fyrir áhyggjufulla þá hrjá íþróttameiðslin mig ekki lengur! vei! eftir að óverdósa á bólgueyðandi og liggja eins og skata á hitapoka þá harkaði ég af mér og fór upp á land. jú stefnan tekin á mjög merkilegt kennaraþing Kennarafélags Vestmannaeyja. við eyddum u.þ.b. sólarhring á suðurlandinu í óvæntu roki, enda við ekki vön svona gjólu hér...hehehe... og hlustuðum á merkilega fyrirlestra og skeggræddum skólamál.
þegar kennaraþinginu var formlega lokið eftir skoðunarferð í sunnulækjarskóla á selfossi tók við alveg ógurleg bið. og eftir hverju? ó jú kvenskörungunum sem ég hugðist eiga helginni með í sumarbústað. að lokum komu þær og þær aðstoðuðu við að losna við íþróttameiðslin með pottasvamli og öldrykkju. svo bættist við góður matur og skemmtilegur félagsskapur, hlátrasköll og trúnó, sársaukafullt nudd og scrabble; allt sem þarf til að losna við hnúta í bakinu. (mæli eindregið með þessu!)
ekki nóg með að ég hafi losnað við íþróttameiðslin þá vann ég minn fyrsta bikar!!! (íþróttaferill minn hefur nefnilega verið non-existant)
ég er einstaklega stolt af þessum sigri sem var í spurningakeppninni Besta vinkonan. en þessi keppni mun verða árlegur viðburður héðan í frá og bikarinn farandbikar. þess vegna eyði ég öllum þeim stundum sem ég eyði inni á heimilinu þessa dagana í að pússa bikarinn eða að horfa á hann uppi í hillu inni í stofu. ég ætla sko að njóta þess að hafa unnið bikar! þið megið óska mér til hamingju núna. ég tek gjarnan við skeytum og heillaóskakortum!

ammli!

gleymdi einu!
elsku thelma rut innilega til hamingju með 14 ára afmælið! man enn kvöldið sem þú fæddist eins og það hafi gerst í gær. vonast til að hitta þig sem fyrst. knús og kossar...

íþróttabölið

jú ennþá er maður að hamast í ræktinni. og hressleikinn sem því fylgir hefur orðið þess valdandi að ég hef ekki haft orku til að halda mér vakandi yfir magna okkar. þar af leiðandi hef ég ekki getað tekið þátt í samræðum á kaffistofunni í vinnunni. en það kemur svo sem ekki að sök þar sem ég er alveg að verða ótrúlega mjó.
en nú verður frökenin að taka sér smá hlé frá lyftingum, hlaupabrettum og magaæfingum. og ekki er það af spennandi ástæðu! ónei! mér tókst að ná mér í íþróttameiðsl í ákafa mínum eftir mjókkun. náði að togna við hægra herðablað og er óvíg eftir. varð meira að segja að fara heim úr vinnu í morgunn alveg sárkvalin.
en þrátt fyrir þetta mótlæti er ég ekki af baki dottin, þó að ræktin bíði smá, að þá ætla ég upp á land á morgunn og vera mjög fagleg á kennaraþingi og að því loknu fara í geððeka ferð með lailu, evu og helgu dís í sumarbústað. vei!

ég hef verið heldur orkulaus til að koma með eitthvað sniðugt og snjallt á bloggið.
undanfarnar helgar hafa farið í brúðkaup (tvö, hjalli og begga (gott djamm þar og líklega farsælt hjónaband) og helga dís og þórður (býst við ofurfarsælu hjónabandi þar enda partýið ógleymanlegt í sveitinni)) og svo var fertugsafmæli um síðustu helgi (ýkt skemmtilegt, býst við að viðkomandi deyji í hárri elli í hlýju rúmi).
ekki nóg með það að maður sé nýbyrjaður að vinna og undanfarnar helgar ekki til þess fallnar að hlaða batteríin heldur þrauka ég enn í líkamsræktinni. það hefur orðið þess valdandi að ég er dottin útaf öll kvöld uppúr tíu. kannski er það líka aldurinn...
en nú þyngjast augnlokin enda klukkan orðin 22.10......zzzzzzzzz......

steliþjófar eru sumir skrítnir

var að horfa á fréttirnar eins og gengur og gerist. þar var sagt frá einhverjum vitleysingum í borgarnesi sem stálu tveimur hraðahindrunum!!! ég hélt að þjófar myndu bara stela einhverju sem þá bráðvantar eða geta fengið hrúgu af peningum fyrir. ja ekki er mér vitanlega mikið að fá fyrir hraðahindranir í undirheimum...

af mjókkun og fleiru...

nú mjókkar maður sem aldrei fyrr ;) er ennþá dugleg að mæta fyrir allar aldir í ræktina en ætla að fara að skipuleggja það aðeins öðruvísi þegar kennslan byrjar. kemur í ljós hvernig það fer.
annars er skólasetning á morgun þannig að fjörið er að byrja.
er svo að fara í brúðkaup um næstu helgi uppi í sveit í lopapeysufíling hjá helgu dís og þórði. maður er annars varla búinn að jafna sig á brúðkaupinu um síðustu helgi hjá hjalla og beggu. það var ofsa gaman, mikið tárast (í athöfninni, enda syngur hún eva vinkona mín eins og engill!), mikið hlegið og drukkið og borðað og sungið og dansað (í veislunni, það hefði eflaust verið dónalegt að stunda svoleiðis lifnað í kirkjunni). svo ákváðum við gunni að vera ómenningarleg og fara ekki inn í reykjavík heldur skella okkur (ásamt fleirum úr veislunni) á pleijers og svo skemmtilega vildi til að greifarnir voru að spila. svo var bara labbað heim (ekki samt til eyja heldur í íbúðina hjá tengdó).
ég náði líka að hitta aðeins á lilju mína sem var stödd á landinu. hún er ekki enn farin að tala með frönskum hreim en lyktar eins og hvítlaukur (nei bara grín!). öfga gaman að hitta hana og ágúst örn litla sem er ekkert svo lítill lengur, alveg að verða 2.
svo var haldið heim í letikast dauðans en svo hélt leiðin að mjónunni áfram kl. 7.00 daginn eftir...

koma sooooo...

vildi bara monta mig aðeins: ég er farin að vakna rúmlega 6 á morgnanna til að fara í ræktina! ýkt dugleg en nú þarf ég aðeins að draga úr þessu: það verður samt ekki alla morgna þar sem ég er margfræg svefnpurrka og ég þekki sjálfa mig það vel að ég myndi fljótt gefast upp ef að ég þyrfti að rífa mig upp á rassgatinu á óguðlegum tímum alla daga. þannig að ég og hjálparhellan mín munum komast að samkomulagi fljótlega...
bíða ekki allir spenntir eftir að hitta mig næst? ég er alveg að verða há grönn og ljóshærð!!!

öðððððga langt síðan ég bloggaði síðast enda hef ég verið tölvulaus uppi á landi svotil allan júlímánuð og svo kom nottlega þjóðhátíð og enginn tími til að blogga. og fyrir þá sem aldrei hafa verið á þjóðhátíð þá fer lítið fyrir öðru en glasalyftingum og úrsofelsi.
ástæðan fyrir veru minni uppálandi í júlí er auðvitað sú að mamma og lucy komu heim í byrjun júlí og hefur júlímánuður farið aðallega í það að lóðsa mömmu milli spítalastofnana í vestmannaeyjum og reykjavík og að hafa ofan af fyrir systur minni inn á milli. þetta var nú reyndar ekki á planinu en lán í óláni að hún skuli hafa veikst hér og að hún fái líklega bót meina sinna áður en langt um líður.
en nú fer að styttast í að maður fari að byrja að vinna við grunnskóla vestmannaeyja. en þangað til ætla ég að fá til mín lucy og heklu dóttur hans magga bró sem nóta bene er orðinn skólastjóri á snæfellsnesi, þ.e. maggi ekki hekla.
en þangað til seinna.....

jæja...loksins...

heilir og sælir allir nær og fjær...
er búin að vera uppi á landi síðan fyrir úrslitaleikina í hm. (já ég veit enn tala ég um hm en það verður ekkert mikið...) að sjálfsögðu var ég ekki sátt við að mínir menn kæmust ekki í úrslitin hvað þá að þeir skildu ekki ná 3ja sætinu en það kemur önnur keppni eftir þessa. verst að figo verður ekki með þá...ætli ég verði ekki að finna mér þá annan til að vera skotin í? en hann er samt enn öfga flottur þó að ég hafi hneykslast soldið á skallamálinu...það er samt liðin tíð.
jæja eins og áður segir þá hef ég verið að þvælast uppi á landi. fór í síðbúið afmæli hjá evu (ýkt gaman!) og svo kom mamma en tíminn síðan hún kom hefur farið að mestu í að sinna henni í veikindum og koma henni á spítala. hún hefur einmitt ákveðið að gera skoðanakannanir á spítalamálum á íslandi, hefur farið á landspítalan við hringbraut og í fossvogi, spítalann í eyjum og er komin aftur á lansa við hringó. hún ber öllu saman vel söguna og ætlar meira að segja að láta skera sig upp við kvilla sem hefur hrjáð hana síðan í haust en enginn fyrr en núna er búin að átta sig á hvað var að. allri fjölskyldunni er mikið létt þar sem þetta er ekki alvarlegt og kannski verður hægt að gera eitthvað skemmtilegt líka í fríinu. annars höfum við lucy getað skemmt okkur milli spítalaheimsókna sem er vel.
og loksins er sumarið komið! og vonandi helst þessi blíða sem lengst, allir að leggjast á bæn!
í lokin: 16 dagar í þjóðhátíð!!!!!!

ammli.....

nú er pása frá hm og engir leikir fyrr en á föstudag. verð að segja eins og er að manni hálfpartinn leiðist útaf þessu leikjaleysi. maður verður víst að bíta á axlirnar og finna sér eitthvað að gera.
einmitt þegar ég var að láta mér leiðast í dag þá mundi ég eftir ammæli! ójá hún Hekla Rut er 9 ára í dag. til hamingju með daginn elsku frænka!
sem ég fór síðan að hugsa um ammælið hennar Heklu þá mundi ég eftir fleirum sem ég hef gleymt að minnast á(enda hugurinn allur við fótbolta þessa dagana) og það eru þessi: Eva Hrönn þrítuga(3. júní), Guðný(5. júní), Albert Elías(14. júní), pabbi(15. júní) mamma og Snorri stóri(16. júní) og Árni Dagur. Til hamingju með daginn öll sömul! ég vil reyndar benda á að ég mundi eftir að óska þeim öllum til hamingju með daginn á viðeigandi hátt á réttum dögum. held að ég hafi munað eftir þeim milli leikja....
vonandi er ég ekki að gleyma neinum....sjjjiiii.....

leikurinn í gær!!!

þá er það orðið opinbert kæru vinir og vandamenn: ég er fótboltabulla! horfði að sjálfsögðu á báða leikina í gær, fyrri leikurinn með eindæmum leiðinlegur en seinni leikurinn þeim mun fjörugri! eins og þið hafið kannski séð eru portúgalir mínir menn með figo í fararbroddi.
fyrir ykkur sem ekki sáuð leikinn þá er bara engan veginn hægt að lýsa honum í fáum orðum. dómarinn var einstaklega spjaldaglaður (höldum að hann hafi verið illa haldinn af gulunni) og tveir úr hvoru liði voru reknir útaf, einn úr portúgalska liðinu fór slasaður útaf (og hann grét ronaldo greyið) og ég veit ekki hvað og hvað. svo held ég að það hafi gleymst að segja hollendingum hvað fair play er. og á meðan öllu þessu stóð sat ég á barmi hjartaáfalls yfir þessu öllu saman, argaði og gargaði, tók andköf og greip fyrir augun. og eftir sex mínútur í uppbótartíma fóru mínir menn með sigur af hólmi með einu marki gegn engu.
scolari er sumsé búinn að ná opinberu takmarki á hm og allt annað verður plús. ég hef svo sem engar áhyggjur þannig af leiknum á móti englendingum enda slóum við þá út á em 2004.

og fyrir ykkur antisportista vini mína ekki hafa áhyggjur: þetta er tímabil sem gengur yfir. ég kem aftur til sjálfrar mín eftir úrslitaleikinn 10. júlí!

gestir

um síðustu helgi komu pabbi og gulla og öddi og harpa. það var mjög gaman, mikið borðað, mikið spilað, mikið drukkið af bjór, mikið horft á hm og mikið hlegið. ekki var mikið hægt að vera úti vegna veðurs en okkur tókst þó að skemma næstum því grasið í garðinum við að spila víkingaspilið milli skúra.
pabbi og gulla fóru á sunnudagskvöld án þess að geta unnið í garðinum en öddi og harpa fóru á þriðjudag loksins þegar sólin fór að skína.
ég fékk ekki meira leið á þeim en það að ég er að fara til þeirra í fyrramálið með gubbólfi og þarf að keyra eins og vindurinn til að ná leiknum klukkan eitt.
já ég veit hvað þið hugsið: er nú antisportistinn farinn að fylgjast með íþróttaviðburðum? og svarið er JÁ TAKK!! það var meira að segja ég en ekki gunni sem vildi fá sýn og fékk það svo í gegn. ég missi helst ekki af einum einasta leik og er farin að besservissa um lið, leikmenn og leikfléttur! að vanda stend ég með mínum mönnum í portúgal með figo fremstan í flokki. fyrir ykkur sem ekki þekkið manninn, flettið þá upp í íslenskri orðabók undir orðinu karlmennska og þar er mynd af honum! það segir katla alla vega...
áfram portúgal!!!

06.06.06.

bubbi fimmtugur og viðburðaríkur dagur hjá okkur hér á heimilinu.
ég var sett í það að taka upp tónleikana því ótrúlegt en satt þá ákvað gunni minn að fara með himma og fleirum til að prófa nýja paraseilið sem þeir félagar keyptu og fengu í pósti sama dag. ég var að hamast við að þrífa þar sem von var á ödda og hörpu daginn eftir. nú, ásta steinunn kom til að horfa á afmælistónleikana og ég lagði frá mér ryksuguna.
varla var liðinn klukkutími frá því að gunni fór og tónleikarnir hófust þegar hringt var úr símanum hans gunna að láta vita að hann væri staddur á spítalanum og hefði meitt sig soldið. var látin vita að ég yrði sótt. sjitt fokk piss hvað mér brá.
ég var sótt til að fara niður eftir og þar var gunni minn sárkvalin að láta lækninn skoða sig. það slitnaði nefnilega hanalöppin sem bundin var við bátinn og "fallhlífin" dró gunna minn um 100 metra eftir grýttri fjöru áður en hann endaði úti í sjó.
sem betur fer reyndist hann ekkert brotinn, en hann var lagður inn og svo kom í ljós að blætt hafi inn á vöðva í vinstri fæti auk þess sem hann er bólginn og marinn á bakinu, hægri síðunni og hægri fæti.
hann er líka orðinn ýkt frægur, búið að skrifa um hann í bæjarblaðinu og mogganum!!! geri aðrir betur.
hann var svo útskrifaður í dag, gengur við hækju en verður örugglega farinn að leika sér á paraseilinu áður en maður veit af.
ég hugsa samt að ég láti það aðeins bíða að fara í þetta dót...en ofurhugar þarna úti verið velkomnir!!!

sumar sumar sumar...

vaknaði upp úr ellefu í dag eftir flutningspartý hjá snorra í nótt. var hress og kát, smellti mér í sturtu og var svo eiginlega í sólbaði í allan dag á pallinum hjá ástu steinunni. hrika gott veður og svei mér ef ég er ekki bara sólbrunnin. svo fórum við með grillið hennar ástu steinunnar og gaua á pallinn grilluðum rosa góðan mat og fengum okkur smá rautt með úti á palli!!! við ásta steinunn vorum einmitt að tala um hvað þetta var skandinavískt að sitja úti (reyndar með teppi yfir löppunum) og sötra rautt og bjór svo eftir það. ýkt kúl geðveikt! svona gerist bara á suðurhafsparadísinni. svo verður nú eiginlega að fylgja með að þetta var eiginlega doldið mikil þjóðhátíðarstemming á pallinum, gott veður og bjór, það er bara þjóðhátíð eins og alþjóð veit!!! juuuuuu hvað ég hlakka til þjóðhátíðar!

skólaslit...

vei!!! er að fara á skólaslitin mín núna kl. 11.00. þrátt fyrir að skólinn sé tæknilega búinn núna á eftir þá eru samt tveir vinnudagar eftir helgina :-( en sumsé þá er sumarfríið rétt handan við hornið. kæruleysi, sól, sumarylur og frí, frí frí... gerist ekki betra! svo er nottlega hm að fara að byrja. fallegir karlmenn að elta bolta, sem hrækja og faðmast og kyssa hvern annan. er það ekki nokkuð mikið svona metró?
allavega verður figo með portúgalska liðinu svo að það er skylda mín að horfa! eins og katla komst að orði í kringum em: ef það væri mynd við orðið karlmenni í orðabók, þá væri mynd af honum þar mmmmmmmmm.......

helgin

já helgin viðburðarík. júró og auðvitað ammælið hans ödda. fann ekki eins mikið fyrir fjarveru minni frá júrópartýinu á litla grikklandi þar sem ammælið var mjög skemmtilegt. fengum að horfa soldið á júró og videomyndin sem við familían bjuggum vakti mikla lukku.
elsku öddi uppáhalds litli bróðir minn: innilega til hamingju með 30 ára ammælið á sunnudaginn!

ég skemmti mér svo vel um helgina að maður er eiginlega orðinn veikur og það á versta tíma. prófatími, skóladagurinn að bresta á og svo framvegis..... ekki skemmtilegt. ég er einmitt komin heim eftir að hafa lagt fyrir stærðfræðipróf í morgunn og ætla fara yfir það hér undir teppi með te í krús. ég er með einhvern hita en ég ætla að ná þessu úr mér. hef ekki tíma í þessa vitleysu. hver verður líka veikur svona í sumarbyrjun??? á maður ekki að fá flensu á veturna??? andsk.....

júró...

jebb, þá eru undanúrslitin búin og ekki komumst við áfram eina ferðina enn. leiðinlegt að silvía komst ekki áfram en svona er lífið, það geta ekki allir verið frá austur-evrópu...heheheh... en annars fínt sjóv. maður fékk skemmtilegan kjánahroll reglulega, engin júróvisjón án þess.
verð meira og meira miður mín með hverri mínútunni sem líður nær júró að komast ekki í árlegt partý hjá kötlu og örvari. neyðist víst til að mæta í 30 ára afmæli ödda bró, greyið, ég er búin að skamma hann ýkt mikið fyrir að halda upp á það þennan dag. þrátt fyrir þetta settbakk þá er ég ekki af baki dottinn (hehehehe....þið sem mætið til kötlu fattið djókið þegar þið komið þangað) og mun verða í smækkaðri mynd í gleðinni. áfram þýskaland! sehr gut! þýskir kábojar það er málið! atriðið sem ég ætlaði að vera með þó ég væri fjarstödd verður reyndar ekki. ég mun geyma það þar til ég get verið á staðnum...hefði örugglega fyndnara án mín en só bí itt!
fer sumsé upp á land á morgunn og kaupi mér örugglega svona vasasjónvarp svo ég geti horft á dýrðina í ammælinu...
alla vega allir sem verða heima hjá kötlu og örvari á litla grikklandi: ógeðslega góða skemmtun og farið varlega í 12 stiga skotin!
adjö!

fleiri afmæli...

litla dýrið hún systir mín varð 14 ára í gær! djöf.... finnst manni maður orðinn gamall á svona stundum.
en alla vega innilega til hamingju með daginn í gær Lucy mín! ég vona að afmælispakkinn fari nú að koma til þín. knús og kossar til portúgal!

samræmd próf

varð þeirrar gleði aðnjótandi að sitja yfir í samræmdu stærðfræðiprófi í klukkutíma í dag. mjög skrítin tilfinning að sitja hinum megin við kennaraborðið. mikið man ég eftir því að taka samræmdu prófin hér í denn og mikið er ég fegin að hafa bara þurft að taka 2 samræmd próf á sínum tíma!
aumingjans krakkarnir eru að taka 4-6 próf! þar að auki eru skiptar skoðanir um gildi þessara prófa en það er önnur saga... ætla ekki að fara að æsa mig yfir þessu...

fullorðins...

þegar ég var hjá lailu um síðustu helgi og ég hún og ólöf drukkum rauðvín í flöskuvís, þá fórum við að ræða hvenær maður verði fullorðinn. ég kom með þá óskaplegu speki að maður verði það í rauninni aldrei hversu gamall sem líkaminn annars verður. maður bíður eftir því mjög lengi að verða fullorðinn; að komast í menntaskóla, að komast inn á skemmtistaði, klára háskóla, fara að vinna, eignast íbúð/hús, mann, börn, hund og bíl. allt eru þetta mælistikur á það hvenær maður verður fullorðinn en í rauninni líður manni aldrei eins og maður sé orðinn það og maður bíður alltaf eftir því næsta sem hlýtur að láta manni líða eins og maður sé loksins fullorðinn. (ég hef t.d. fundið fyrir nýrri gerð virðingar fyrir mér eldra fólki eftir þessar pælingar)
nema hvað. að þessu sögðu þá hefur helgin hjá mér farið í mjög fullorðinslega iðju. (ég veit hvað sumir hugsa núna, dónarnir ykkar!!!) nei ekki tengdist það neinu í svefnherberginu heldur erum við gunni minn búin að vera að vinna í garðinum. hreinsa beð, háþrýstispúla pallinn og byrjuðum að bera á hann, rífa upp akkeri og hjól sem við vildum ekki hafa, rífa niður undarlegan pall við vesturhlið hússins og bera á grasfræ og áburð og svona mætti lengi telja. og þrátt fyrir þetta allt þá leið mér ekki fullorðins. ég var í bleiku stígvélunum mínum og þegar ég loksins kláraði beðið þá hoppaði ég af gleði og hrópaði: jei! (leit reyndar í kringum mig eftir á, kannski sá einhver "fullorðinn" mig)
semsagt. ég stend ennþá við þessa kenningu að maður verði ekki fullorðinn. kannski er ég bara svona seinþroska en ég hef heyrt fleiri nefna þetta. en kannski er maður bara umkringdur fólki með pétur pan- syndrome. sækjast sér um líkir segir máltækið en hvað segið þið?

var að koma heim eftir vikudvöl í borg óttans. voða gott að koma heim og kisurnar voru alveg óskaplega glaðar að sjá okkur. notaði tímann í rvk til að hitta lailu mína og drekka töluvert af rauðu með henni og ólöfu (mjög gaman) og hitta pabba og gullu og annað slekti (líka mjög gaman).
fór ekki í 1. maí göngu (roðn...)
svo keypti ég loksins gardínu fyrir þvottahúsgluggann. ekki seinna vænna þar sem við erum bara búin að búa hér í tæpt ár. svo er spurning hvort að það taki nokkuð annað ár að hengja helvítið upp...
annars er heilsan öll að koma til eftir læknastúss vikunnar. er reyndar mjög þróttlítil en það kemur. mér skilst að klukkutíma svæfing sé eins og 3 vikna fyllerí þannig að þið kannski áttið ykkur á hvers vegna maður er svona máttlítill. ég stefni samt að því að vera komin upp úr þessu í síðasta lagi á sunnudag svo að ég komist með gunna mínum í tuðruferð. það er nefnilega spáð svo góðu veðri. sumarið er pottþétt að koma, alla vega segir siggi stormur það! jei...

gamlir draugar...

jahérnahér... jet black joe bara að gefa út nýja plötu! kannski eru þetta ekki mikil og ný tíðindi fyrir marga en ég var bara að uppgötva þetta í dag. er einmitt að hlusta á diskinn as ví spík í forhlustun á tonlist.is sem ég villtist inn á af tilviljun og só far er þetta bara alveg ferlega fínt! gamla sándið skín í gegn, ýkt kúl geðveikt!
minningarnar hellast yfir mann þegar maður hlustar á þetta enda var þetta eitt vinsælasta bandið þegar maður var ,,yngri"(vil ekki segja ungur...veit ekki af hverju...). eiðahátíðin ´93 (það var víst gaman þar þó að fáir hafi látið sjá sig) og fleira. ussussuss gaman gaman... og nú heldur gleðin áfram, jibbí!!!

hljóð

fór að velta því fyrir mér hvers vegna sum hljóð láta manni líða vel en önnur ekki. ég t.d. heyrði í hrossagauknum í fyrsta skipti í dag eftir veturinn og mér varð alveg hlýtt inn í mér. þetta er eitthvað svo vinalegt þegar maður heyrir eitthvað svona sem vekur upp ljúfar minningar frá löngu liðnum sumrum á héraði.
sum hljóð láta mann þurfa að pissa, sbr. rennandi vatn.
sum hljóð láta hárin rísa, sbr. að klóra krítartöflu (algjört ógeð!!!)
sum hljóð láta mann fara að hlæja, sbr. prump (hehehe....maður fer bara að flissa við tilhugsunina)
og sum hljóð gera mann hræddan, sbr. bíll að snögghemla (enda er ég tryllt bílhrædd)
en ætli þetta sé ekki allt saman einstaklingsbundið...(og fyrir ykkur sem vitið um lærðar rannsóknir um áhrif hljóðs á mannssálina þá ussssssss........)

gleðilegt sumar allir saman!
það var blíða hér á suðurhafsparadísinni á sumardaginn fyrsta. ég skellt mér í göngu til að reyna að losna við páskaspikið. sól skein í heiði, ég heyrði lóuna syngja dirrindí, sá að það er komið mikið af fýl og vonaðist til að sjá lunda en var ekki svo heppin. hann er víst reyndar sestur upp þannig að opinberlega kom sumarið um 12. apríl hér í eyjum. svo hí á ykkur sem ekki hafið lundabyggðir til að flýta fyrir sumarkomunni!

páskafrí...

páskafríið búið... kom heim í dag. alltaf gott að komast heim og kisurnar fögnuðu okkur vel og innilega.
við höfðum það þrusugott. á laugardag var okkur boðið í mat hjá kötlu og örvari ásamt lailu og lúlla og pollyönnu. enska var tungumál kvöldsins þar sem pollyanna kemur frá konungsríkinu englandi. mjög gaman, góður matur, gott rauðvín og góður bjór. katla og örvar takk fyrir gott boð!
sunnudagurinn fór í að jafna sig eftir matarboð kvöldsins áður og svo var farið í mat til pabba og gullu. þar fengum við að sjálfsögðu alveg rosagóðan mat og vorum í góðum félagsskap ödda og hörpu og krakkanna hennar gullu. mjög notaleg kvöldstund!
svo rann upp mánudagurinn bjartur og fagur. plan dagsins: sjæna sig, mæta í fermingarathöfnina hennar Thelmu Rutar og svo éta á sig gat í veislunni... og þetta gekk eftir. Thelmu tókst að fermast með glæsibrag í háteigskirkju og svo tjilluðum við í smá stund og svo var haldið til veislu. Thelma mín er orðin glæsileg ung stúlka og þó svo að ég hafi velt því fyrir mér að halda ræðu þá hætti ég við það um leið þar sem ég var orðin grátklökk við tilhugsunina... já svona er þetta með mann. ég held að Thelma hafi verið mjög fegin þegar ég sagði henni frá þessu! það er erfitt að vera unglingur sem skammast sín fyrir allt og fá svo kannski gamla frænku sem bullar og grenjar í fermingarveislunni manns! en hún slapp við það blessunin...
innilega til hamingju með daginn elsku Thelma Rut!!!
svo fórum við í bíó um kvöldið. á lucky no. slevin. helv... góð mynd, mæli með henni.
svo vöknuðum við fyrir allar aldir til að græja sig fyrir heimferðina. mæli með herjólfi þegar maður er sybbin, það er nánast ekkert eins gott og að sofa um borð í jafnmikilli blíðu og var í dag...zzz... og svo: there´s no place like home!

enn eitt ammælið...
elsku maggi stóri bróðir til hamingju með 35 ára afmælið! megir þú eiga fjörugan dag í danaveldi og þá segir maður að sjálfsögðu skaal!

annars er allt í gúddí. er á fastalandinu í páskafríinu og eyði því með vinum og vandamönnum. og svo verður ferming á mánudag. thelma rut hans magga er að komast í fullorðinna tölu og að sjálfsögðu verður maður viðstaddur það. það versta við þetta er að manni finnst maður orðinn gamall þegar börnin í fjölskyldunni eru orðin svona stór! ég man eins og gerst hafi í gær kvöldið sem hún thelma mín kom í heiminn. þá fór ég ásamt fleirum á tónleika sem kenndir voru við kók enda haldnir í vífilfelli ehf. að þeim loknum fóru allir niðrí bæ og þar var hringt úr tíkallasíma upp á fæðingardeild til að fá fréttir af barnsfæðingunni... bæ ðe vei hefur einhver séð tíkallasíma nýlega?
já tímarnir breytast og mennirnir eldast...

gamlar og góðar...

var að enda við að horfa á gullmola á tcm sjónvarpsstöðinni. þetta var hin ,,víðfræga" seven brides for seven brothers. ég hafði einhvern tímann séð byrjunina á henni og ákvað því að láta vaða og klára hana. söguþráðurinn var að ung kona giftist manni sem býr í afdölum í ameríkuhreppi. þegar hún mætir á staðinn á hann 6 bræður sem eru hálfgerðir villimenn. myndin sumsé gengur út á að finna konur handa þessum 6 bræðrum og besti parturinn við hana er að þetta er dans og söngvamynd! ógleymanlegt var atriðið þar sem bræðurnir 6 voru úti í skógi að höggva við í eldinn um hávetur. að sjálfsögðu brustu þeir í söng og dönsuðu eins og vindurinnmeð axir og sagir í höndunum. einstaklega fyndið að sjá rednecks dauðans syngja ljúft lag og hoppa um eins og ballerínur.
eina sem hægt er að segja núna: they don´t make them like they used to!

þjóðhátíð?

vatt mér í göngu skömmu eftir hádegið. lognið er á aðeins minni hreyfingu í dag en síðustu daga, sólin skín og því tilvalið að klæða sig í þrammbúnaðinn og halda sína leið. ákvað að nenna ekki í einhverjar alvarlegar brekkur þannig að ég labbaði inn í dal og til baka. og vá hvað er komið mikið af tjöldum! styttist óðum í þjóð hátíð ha?!?!?!?!

nú hellast afmælin yfir!

nei, ég er ekki að ruglast. afmæliskveðja annan daginn í röð.
nú er það hún Lilja mín sem á afmæli í dag og er ekki nema tuttuguogtólf ára! elsku vinkona innilega til hamingju með afmælið! njóttu dagsins í faðmi fjölskyldunnar í vorinu í france. sendi til þín knús og kossa í huganum alla leið til þín þó langt sé að fara. ;-)

Litli skæruliðinn í fjölskyldunni á afmæli í dag. Innilega til hamingju með 2 ára afmælið elsku Sigríður Birta! vonandi heldur þú foreldrum þínum áfram við efnið, þeir eiga sko ekkert með að liggja í leti í stað þess að elta þig út um allt. hehehe... maggi og helga lind til hamingju með dótturina! hlakka mikið til að hitta ykkur um páskana.
knús.

jæja nú er komið nóg af kulda og snjó!!! búið að vera viðbjóðslega kalt á suðurhafsparadísinni eins og á norðurey (a.k.a. ísland) og ég segi bara hingað og ekki lengra. er farin að þramma um eyjuna fögru á hverjum degi til að reyna að losna við spikið og er það vel. en ómægod hvað það hefur verið kalt undanfarið! svo í dag gekk ég sem leið lá um nýja hraunið og hafði ákveðið að taka soldið stóran hring heim en hvað gerist? sé ég ekki hvar óveðursskýin hrannast upp yfir dalfjallinu og stefna hraðbyri til mín. nú hvað gat ég annað gert en að stytta mér leið annars hefði ég getað orðið úti! þegar ég var á sprettinum heim brast á þetta líka haglélið og mátti litlu muna að það litla hold sem stóð út undan húfu og háum úlpukraganum hefði verið illa útleikið undan grjóthörðu haglélinu.
að þessu sögðu krefst ég þess að nú verði settar fram kröfur og safnað undirskriftum sem verða síðan sendar veðurstofunni. ég heimta að nú fari þeir félagar að senda okkur vorveður, takk fyrir túkall.

ég er alveg sammála evu vinkonu minni að það verður erfiðara að blogga eftir því sem lengra líður milli blogga. bæði hefur það verið leti og svo þessi leiðinlegu tæknimál sem verða þess valdandi að færslurnar týnast þegar kemur að því að pósta.
en gleði gleði gleði, best að reyna eina ferðina enn.
leikfélagið búið að frumsýna nunnulíf (fyrir þá sem ekki þekkja er það sister act í leikbúningi) og ótrúlegt en satt þá líður sýningin ekki fyrir það að ég skuli ekki vera að leika ;-). maður heldur sig til hlés í þetta sinn. mitt hlutverk hefur verið að vinna í leikskránni og svo taka við peningum sýningargesta. ágætt þar sem úrslitin í idolinu eru að bresta á og þá á maður frí til að horfa í beinni. alla vega þá er þetta ofsa skemmtileg sýning og allir að bregða sér á eyju dauðans til að sjá skemmtilegt leikhús!
annars er lítið að frétta. gunni minn alltaf uppi á landi að vinna og ég því grasekkja á virkum dögum. eins gott að ég á þessa fínu sláttuvél...heheheh....

nú erum við gunni minn orðin menn með mönnum. búin að eignast lappa og erum með þráðlaust net! vúhú! almennilegt ekki satt? þá getur maður hangið fyrir framan tölvuna annarsstaðar en innilokaður í herbergi og þó svo að annað okkar sé í tölvunni getur hitt líka farið í tölvuna...magnaður andsk....
annars hefur flensuviðbjóðurinn sem hrjáði gunna minn í síðustu viku breiðst út og hefur nú lagst á mig og bínu (nýja gælunafnið hennar cassýar). erum núna hóstandi og hnerrandi hvor í kapp við aðra. hef samt harkað af mér og mætt í vinnuna síðustu þrjá daga (er ekki nógu veik!!!) og er að fara í fertugsafmæli á morgunn þannig að maður þarf að reyna að hressa sig við.
vegna alls þessa fór ég að velta fyrir mér fyrirbærinu hori. er einhver maskína inni í manni sem framleiðir þennan viðbjóð sem flæðir út um nasirnar á manni þessa dagana? þegar maður er sprækur er þá verkfall í horverksmiðjunni? ætli ég sé kannski komin með óráð farin að velta þessari vitleysu fyrir mér? best að skríða upp í með hitapoka og korktappa í nefi.

parlez vous francais?

tíminn líður hratt eins og þar stendur. alltof langt liðið frá síðasta bloggi, þetta er eiginlega farið að verða venja frekar en undantekning hjá mér en það verður að hafa það...
maður er svona að byrja að jafna sig eftir tónleikana (depeche mode rúlar!!!) enda er maður búinn að vera á þeytingi síðan. en mikið var gaman að koma til lilju og félaga í meximeux. vel þess virði að eyða svona miklum tíma í ferðalög fyrir svona stutt stopp. það var reyndar skítakuldi allan tímann en eins og lilja orðaði það svo skemmtilega þegar við vorum norpandi í kuldanum í lyon: það er örugglega voðalega huggulegt hér á sumrin!!! og það er örugglega hárrétt! hlakka til að fara þangað aftur þegar hlýrra er orðið, til að borða snigla a la ari páll og sötra á frönsku rauðvíni sem er haldið við rétt hitastig í þartilgerðum skáp.
elsku lilja og fjölskylda takk æðislega fyrir mig, ég á eftir að lifa á þessari ferð lengi.

sjaldséðir hvítir eða þannig....

hei fans....
hef ekki getað póstað eða hóstað neinu hér inn vegna tæknilegra örðugleika.
átti frábær jól og áramót eins og vonandi flestir (skrifaði einmitt heillangan pistil um jólaspikið sem aldrei komst inn útaf þessu rugli...)
en er eins og er í smábænum meximeux í france hjá henni lilju minni ennþá hálfdösuð eftir geggjaða tónleika með depeche mode í lyon í gær...sjitt fokk piss hvað var gaman.
fer heim aftur á morgunn (búhú...) en æll bí bakk! hvenær sem það annars verður.
huxið til mín á morgunn meðan ég ferðast heiminn hálfan til að komast til eyjunnar fögru!

prufa...

testing testing vonn tú þrí...

Gleðileg jól!

jæja kæru vinir og vandamenn nær og fjær... nú eru jólin að bresta á og þá langar mig til að óska ykkur öllum gleðilegra jóla og farsældar á komandi ári. takk fyrir allt gamalt og gott og ég hlakka til að hitta ykkur aftur hvenær sem það nú verður. munið það er alltaf nóg pláss fyrir gesti á ásavegi 24! verði ykkur að góðu og ég vona að þið fáið í jólagjöf eitthvað sem ykkur langaði virkilega í!
knús og klossar
d.

miss world punktur is

eins og alþjóð veit var unnur birna ,,okkar" kosin ungfrú heimur núna um helgina. eflaust er þetta frábært og miðað við höfðatölu er magnaður andsk.... að við skulum hafa átt 3 ungfrú heimur. það eru ansi margir í kringum mig sem að halda vart vatni yfir þessum fréttum. er ég lúði að tárast ekki af gleði? ég meina lífshamingja mín veltur ekki á því að þessi snoppufríða snót ætli að bjarga heiminum með fegurðina að vopni, er það???
maður getur líka komið með þessa spurningu: er hægt að keppa í því að vera sætastur? eins og kom fram í myndinni í skóm drekans.
viljum við konur vera metnar eftir einhverri staðlaðri ímynd um fegurð? hver býr til þennan staðal? er nauðsynlegt að vera með vaselín á tönnunum, límband á rassi og brjóstum og vera við hungurmörk til að vera metin að verðleikum? bara hingað og ekki lengra! mér þætti miklu merkilegra ef íslensk kona ynni friðarverðlaun nóbels! hún hefði þá eitthvað fleira til brunns að bera heldur en einungis góð fegurðargen!
sveiattan!

jebb, er á lífi. er búin að vera nánast heiladauð frá frumsýningu. þetta var ansi mikið stress undir restina og mikil að gera, svo eftir frumsýningu var nottlega djammað dulítið og síðan hef ég verið í letikasti nánast. fékk reyndar alla stórfjölskylduna í heimsókn eina helgina (píndi liðið til að koma að sjá leikritið). það mættu 9 manns og viti menn og dvergar það var pláss fyrir alla! vei hvað það er gaman að búa í stóru húsi! það vildi nú reyndar þannig til að ég var niðri í leikhúsi megnið af helginni.....djö....tvær sýningar á laugardeginum og ein á sunnudeginum. það var reyndar ekkert svo slæmt því það dæmdist á gestina að elda stórsteikina á laugardagskvöldinu. öfga gaman að fá fólkið sitt til sín, enda hafði ég ekki komist upp á land síðan í september. ég veit reyndar ekki hvenær mágkonur mínar koma aftur, það var nefnilega doldið vont í sjóinn báðar leiðir..... heyrist það á þeim að þær ætli að stofna samtökin: GFL sem stendur fyrir Göng Fyrir Landkrabba og munu starfa samhliða Ægisdyrum. Þeir sem styðja þessar framkvæmdir eru beðnir um að mæta við Bakkaflugvöll með skóflur 1. janúar næstkomandi kl. 13.00 og byrja að moka! athugið að það má koma þunnur!

er ýkt fúl. var að enda við að skrifa langt blogg og öfga skemmtilegt og þegar ég ætlaði að pósta það þá týndist það. þannig að ég skrifa seinna glaðari í bragði. bæ...

skilaboðaskjóðan

skilaboðaskjóðan hefur verið lokuð undanfarið hjá manni enda töluvert að gera. ég er orðin meistari í að búa til blóm úr herðajárnum (svona eins og maður fær í efnalaugum), sníða laufblöð, sauma þau saman og festa á rafmagnsrör, nota heftibyssu, veggfóðra með teppalímbandi, klippa hæsnanet og móta það í hina ýmsustu hluti. svo er það nottlega vinnan við leikskrána sem er að bresta á og svo þarf maður líka að muna textann sinn og stöðurnar á sviðinu. ofan á allt saman þarf maður víst að sinna manninum sínum, vinnunni sinni, köttunum og heimilinu. já ekkert nema glamúr að tigna leiklistargyðjuna! en gaman er það þegar fólk ætlar að ærast af hrifningu að lokinni frumsýningu, þá er öll þessi vinna svoooooooo þess virði. spurning reyndar hvort að fjölskylda og vinir verði ekki búnir að afneita manni vegna sambandsleysis???...hehehehehe.... alla vega þá bið ég kærlega að heilsa ykkur öllum og ég sakna ykkar geððegt. býst við að heyra frá ykkur eftir FRUMSÝNINGARDAGINN 12. nóvember!

ég var víst klukkuð!

já krakkar mínir margt og mikið gerist í netheimum og sumt veit maður ekki alveg hvað er....en sumsé var ég klukkuð og mér skilst að þar með verði ég að segja frá einhverjum 5 atriðum sem flestir vita ekki um mig.... látum okkur nú sjá:
1. ég þykist vera æðislega dugleg og klár en er inni við beinið letihaugur dauðans. sat t.d. frekar á rassgatinu í gær og drakk kók læt og reykti og talaði í símann frekar en að þrífa risastóra einbýlishúsið mitt. heheheh....þið sem hafið komið í heimsókn haldið kannski að það sé alltaf svona fínt og strokið hjá okkur hjónaleysunum...en ónei...
2. mér finnst geðveikt gott að bora í nefið. reyni að stunda það í einrúmi en gleymi mér stundum og þá kemur mitt sanna sjálf í ljós....
3. mér er farið að þykja mjög vænt um cassý, nýja köttinn á heimilinu, en ég einmitt lét hana fara geðveikt í taugarnar á mér fyrst. vildi ekki að marteinn minn félli í skuggann af nýjasta fjölskyldumeðlimnum.
4. ég dæli aldrei bensíni sjálf á bensínstöð, læt alltaf bensíntittina gera það. það eru reyndar tvær ástæður fyrir því: í vestmannaeyjum eru engir bensíntittir sem slíkir en maður borgar jafnmikið fyrir að dæla sjálfur og að fá þjónustu. hin ástæðan er að ég keyrði einu sinni af stað með bensínbyssuna ennþá í bensíngatinu og sleit systemið af, braut stefnuljós og rispaði bílinn(þegar slangan slengdist í bílinn eftir að hafa slitnað) nákvæmlega eins og í seríós auglýsingunni sem tröllreið öllu hér um árið.
5. ég á mér líka leynda drauma um að verða heimsfræg og ýkt rík. veit reyndar ekki enn hvernig ég fer að því en það skal gerast!!! heimsyfirráð eða dauði!

sjitt hvað þetta var erfitt....hmmmmmm....jæja hvern skal klukka næst? íris sig og gunnar þór, það eru eiginlega einu bloggararnir sem ég veit um sem ekki er búið að klukka.
klukk!

jessörí bobb æm alæv!
jebb maður var svona í smá pásu....hemhem...þær verða eflaust einhverjar nú þegar æfingar eru hafnar á fullu í leikfélaginu. maður fórnar því að nördast fyrir listina eða hvað? kannski er þetta bara húðleti sem veldur því. en reyndar hef ég verið í vinnu fram undir kvöldmat undanfarnar tvær vikur (og nota bene er ég yfirleitt búin að kenna um 12.30) og kvöldin hafa farið í æfingar hjá l.v. (þá er ég ekki að tala um lúðrasveitina!) og svo eftir æfingar þarf maður að vinna upp áhorf á þeim sjónvarpsþáttum sem maður lét taka upp fyrr um kvöldið, svo loks drattast maður í rúmið. þetta verður svo eflaust svæsnara eftir því sem líður á æfingatímabilið... en djöfull er þetta nú gaman... þ.e. ekki sú ofurþreyta sem maður er allar helgar að reyna að yfirbuga með ómældum svefni, heldur það að taka þátt í svona frábæru leikriti. ýkt kúl geðveikt! ég hér með ætlast til að allir sem vettlingi geta valdið komi nú á sýningu og sjái skvísuna í hlutverki ofursexý nornar sem búin er að sminka yfir baugana. ýmislegt á sig lagt fyrir egóið ha?

brandari frá gunnari þór. takk gunnar!

Það var ung og falleg stúlka sem var svo niðurdregin og hrygg að hún ákvað að binda endi á þetta allt og fyrirfara sér með því að stökkva í höfnina. Hún stóð á hafnarbakkanum og þegar
hún ætlaði að stökkva kemur til hennar ungur sjómaður og spurði hana hvers vegna hún væri að gráta. Hún sagðist ætla að fyrirfara sér.
Honum fannst það synd og sagði við hana að hún hefði mikið að lifa fyrir. Skipið mitt siglir til Ameríku á morgun, ef þú vilt skal ég lauma þér með. Hann færði sig nær stúlkunni og tók utan um hana og hvíslaði að henni,
"ef þú verður góð við mig verð ég góður við þig". "Já" sagði stúlkan hverju hef ég að tapa. Um nóttina laumaði hann henni um borð í skipið og faldi hana í einum björgunarbátnum. Hann færði henni annar slagið mat og drykk og í hvert skipti elskuðust þau heitt og innilega.
Þrem vikum seinna var skipstjórinn á venjulegri eftirlitsferð og fann hana í björgunarbátnum. Hann spurði hana hvað hún væri að gera þarna. Hún sagði honum eins og var að sjómaðurinn væri að lauma henni til Ameríku en í staðinn svæfi hún hjá honum. Þá sagði skipstjórinn "Þú hefur verið plötuð laglega núna þetta er Herjólfur"

já rosalega getur maður verið rólegur í tíðinni... enda hefur rignt töluvert hér...held að monsoon rigningarnar hafi komist alla leið til suðurhafsparadísarinnar. en öll él styttir upp um síðir eins og þar stendur þó svo að þessi él hafi verið bráðnuð þegar þau féllu til jarðar.
eva og þór voru hér um daginn, óvænt framlenging á fríinu þeirra, okkur gunna til ómældrar gleði. að vanda var gleðin pumpuð upp með smá áfengi og varð enn skemmtilegra fyrir vikið. lundinn og tríkot og kvöldið fullkomnað! en nú eru þau farin aftur og maður bara tárast við tilhugsunina...en nú styttist í að laila mín komi heim og svo koma eva og þór nottlega aftur í kringum jólin. vei!
skólinn er byrjaður á fullu og nóg að gera. var eiginlega búin að gleyma því hvað það tekur á að siða annarra manna börn til og reyna að kenna þeim eitthvað í leiðinni. ég held að til þess sé leikurinn gerður með þessu ,,langa" sumarfríi. að kennaragreyin gleymi púlinu og puðinu yfir sumartímann svo að þeir hætti ekki að kenna og fara út á einhverjar aðrar brautir mismikið betur borgaðar...
nýtt leikár er byrjað hjá okkur í l.v. og meistarastykkið skilaboðaskjóðan verður sett upp nú á haustmánuðum. jors trúlí gat nottlega ekki setið á sér og tróð sér í lítið hlutverk. (maður var kominn með fráhvarfseinkenni...) tek að mér hlutverk nornarinnar og ég hef heyrt því fleygt að ég þurfi víst ekki að leika mikið....hehehee....en reyndar er ég á smá sérsamning við leikstjórana þannig að ef málin fara að þróast eitthvað þá má ég draga mig útúr þessu. en málin ganga sumsé mjög hægt og ef það er eitthvað sem ég er að læra þá er það þolinmæði!(þið fattið sem eigið að fatta)
annars eru vestmannaeyingar mest að tala um útboð herjólfs og sameiningar skólanna í saumaklúbbum, á kaffistofum og í skýlinu. jú og auðvitað nýtt kvótaár....má ekki gleyma því. ef þið viljið fræðast meira um þau mál bendi ég á eyjafrettir.is og fleiri tengda miðla.