föstudagur, desember 24, 2004

gleðileg jól allir saman...

elsku vinir nær og fjær, sérstaklega þið sem ég gleymdi að senda jólakort:
gleðileg jól og farsæld á komandi ári. þakka liðið sem þið senduð mér í sumar...
vonast til að hitta ykkur sem oftast í bananastuði á nýju ári.
knús
drífa hrífa

bæ ðe vei.....ég keypti mér hús í gær. reyndar ekki búið að skrifa undir en allt lofar góðu. ef allt gengur að óskum getið þið komið að heimsækja mig í nýja húsið í júní.....ble....

miðvikudagur, desember 15, 2004

jóla-hvað!!!

við önsumussu ekki!
en annars eru jólin á leiðinni eins og flestir vita. allir pakkar tilbúnir nema til hans gunna míns, hvað það verður veit nú enginn, ekki einu sinni ég!!! hehehehe..... en það er nú bara gaman. missi af litlu jólunum í skólanum á föstudaginn þar sem ég er að fara að fórna mér í baráttunni og fara á jólahlaðborð. erum að fara á hótel rangá og verðum í góðra vina hópi að éta góðan mat og gista í lúxus. ekkert smá næs! svo verður brunað í bæinn til að hitta ættingja og aðra sem láta mann fá jólapakka! hehehe... en förum heim á þriðjudag þar sem við ætlum að reyna að hitta lailu og lúlla, lundúnarbúana ógurlegu sem ætla að dvelja á klakanum um jólin. hlakka ýkt til!

skyld´ða vera jólahjól.........

fimmtudagur, desember 09, 2004

leitið og þér munuð finna...

íbúðin komin á sölu en enginn hefur enn spurt um hana mér vitanlega. buðum í hús á mánudag en vorum yfirboðin og fengum ekki notalegasta stóra hús sem ég hef komið í! þýðir víst ekki að sýta það en erum enn að leita. erum búin að skoða nokkur og skoðuðum eitt í kvöld sem okkur leist þokkalega vel á. það er reyndar doldið lítið en ýkt kósý og á réttum stað í bænum. ef við ættum von á þríburum eins og sigga lára vinkona mín þá myndi þetta ekki duga! en garðurinn er flottur og þá gæti ég loksins fengið mér trén sem ég hef saknað svo að hafa. ef þið vitið af krúttlegum tiltölulega heillegum húsum í vestmann, helst í austurbænum látið mig vita. það er orðið erfitt að vera á gaza!

laugardagur, desember 04, 2004

hús hús húsamús!

ég er öfga skotin!!! og það ekkert smá! gunni minn má bara næstum fara að vara sig! skoðuðum hús á hólagötunni í dag. jeminn! æðislegt, gamalt, mikið endurnýjað, góð sál, risastórt og því pláss fyrir heilan barnahóp eða marga ketti. það fer sko eftir því hvernig mun ganga í barneignabransanum. stór bílskúr handa gunna og bílnum....hehehe...og mörg mörg herbergi. gæti fengið alla familíuna í heimsókn og það væri samt nóg pláss. ágætis garður og stór pallur (jess!) frábært þvottahús og ég veit ekki hvað! og það kostar ekkert svo mikið..... sko það er nottlega allt dýrt þegar maður er fátækur en þetta kostar svipað og meðalíbúð í reykjavík.
það er auðvitað ekkert ákveðið ennþá. þurfum að losna við íbúðina fyrst og eigum eftir að skoða annað sem er töluvert minna en í sömu götu þannig að kannski verð ég aftur ástfangin eftir helgi. þannig að kannski verð ég bráðum einbýlishúseigandi!?!?!?!?!? jibbí!
þá getum við flutt úr palestínu og í frelsið!

fimmtudagur, desember 02, 2004

flensa skensa...

er heima veik með viðbjóðs kvef, hita og hálsbólgu. svaf eiginlega ekkert í nótt fyrir andnauð(útaf stífluðu nefi) og munnþurrki (útaf því ég þurfti að anda með munninum). sit því heima og er að kafna úr kvefi og leiðindum. fékk heimsókn í klst. (af því að ásta steinunn nennti ekki heim í hádegismat) og hringdi svoí mömmu gömlu og talaði við hana í 1 og 1/2 tíma. geri aðrir betur. er með geðveikan móral því að það er geðtruflað að gera hjá mér í vinnunni. þarf að fara yfir próf, fara yfir skrift og sögubók, skrifa í samskiptabækurnar, hringja í tvo foreldra, undirbúa glósurnar fyrir næsta félagsvísindatíma, undirbúa næstu viku.....sjitt! nú fæ ég enn meiri móral. ætli maður neyðist ekki til að harka af sér á morgunn og mæta og klára veikindin um helgina...

en að öðru skemmtilegra. það er geðveik frétt á leiðinni: við erum að pæla í húsakaupum hér í vestmann og erum að fara setja íbúðina á sölu!!! ýkt, kúl, geðveikt! krossleggið putta fyrir mig!

föstudagur, nóvember 26, 2004

reykjavíkurferðir....

fór í bæinn um síðustu helgi. öfga gaman, heimsótti fólk eins og vindurinn en samt urðu nokkrir útundan sem er vissulega miður. en ég fer aftur í svona heimsóknir 10.-12. des. ætla líka að nota tækifærið og fara til læknis og svona.
en talandi um svona ferðir þá fór ég ásamt guðnýju vinkonu minni og samkennara til reykjavíkur í gær. flugum kl. 20.00 í stað 19.30 þar sem það var seinkunn og námskeiðið sem við vorum að fara á byrjaði kl. 19.30....týpískt. nú við fórum samt sem áður og þurftum því að horfa á það sem verið var að gera. soldið fúlt þar sem þetta var leiklistarnámskeið á vegum þjóðleikhússins. en þegar þetta var búið var að sjálfsögðu farið á kaffihúsið sólon sem hefur verið okkar viðkomustaður síðan við fórum að fara á þessi námskeið. hittum írisi og fengum okkur bjór og svona. eeeeennnnnn.......svo var mæting í flug kl. 7.00 í morgunn. fokk hvað það var erfitt að vakna. ekki af því það við hefðum verið á trylltu fylleríi heldur af því við fórum svo seint að sofa. nú leigubíll á völlinn og við innritun: það er klukkutíma seinkun. og hvurn djöfulinn áttum við að gera í þennan tíma, kringlan ekki opnuð, engin kaffihús opin og ekki vorum við á bíl til að fara á rúntinn og síðast en ekki síst ekki gott þar sem við áttum báðar að mæta í vinnu kl. 8.00. nú svo endar með því að flugvélin fer loks af stað kl. 9.30 og þá var ekki send ein vél heldur tvær litlar sem minntu helst á leikfangavélar. ég get svarið það! en flugið var ekki svo slæmt þó við hefðum verið nokkuð svartsýnar.
en pæling: af hverju er ekki gert meira fyrir fólk sem er leiksoppar örlaganna og getur ekki komist heim til sín vegna einhverra leiðinda í flugsamgöngum? og af hverju er flugvallarstarfsfólk alltaf pirrað og dónalegt? er það í samningunum þeirra?

föstudagur, nóvember 19, 2004

ó reykjavík ó reykjavík....

er á leiðina í borg óttans. gott að skipta aðeins um umhverfi eftir alvarlega pest mánudagsins og skrítna vinnuviku. hlakka öfga til að hitta familíuna og vonast líka til að geta keypt restina af jólagjöfunum. já, ótrúlegt en satt þá hef ég náð að nurla saman í verkfallinu fyrir einhverjum jólagjöfum. þrátt fyrir lítil fjárráð hef ég verið heppin og hef haldið vel á spöðunum þó ég segji sjálf frá. ætla líka að reyna að hitta á einhverja af vinunum en fjölskyldan gengur fyrir. það verður gaman að sjá hvort litla dýrið hún sigríður birta sé ekki orðin stærri og feitari (heheheh....) en síðast, enda er hún mesta krútt í heimi!
kannski fæðist líka litla barnið hennar lilju minnar um helgina og þá get ég farið séð það alveg splunkunýtt.
jæja, ætla að fara og fá mér í gogginn fyrir herjólfsferðina. áfram herjólfur!

mánudagur, nóvember 15, 2004

,,flökurt, með nábít...."

góðir hálsar!
mikil pest hefur lagst á kennara í vestmannaeyjum, svo alvarleg að enginn stóð í lappirnar til að mæta til vinnu í morgunn. mér skilst að þessi veikindi kallist á latínu: mótmælus lagasetningus og herjar á vinnandi fólk í kjarabaráttu. einkennin eru: vonbrigði, vanmáttur, sorg og skæð útbrot við að sjá ákveðinn ljóshærðan ráðherra. eina lækningin er lyf sem kallast réttláten samningen.
erfitt er að segja til um hvenær alger lækning verður tilbúin en vísindamenn frá tveimur samtökum vinna hörðum höndum við að þróa lyfið. ef það tekst ekki fá kennarar ólyfjan sem getur orsakað enn frekari einkenni sem og ástand sem kallast uppsagnibus margintes og skilur skólahald í landinu eftir í rústum. vonandi kemur ekki til þess!
takk fyrir túkall!

föstudagur, nóvember 12, 2004

hugmyndir að starfsvettvangi...

jæja mínir kæru vinir... lífið leikur ekki við kennara í dag. en þar sem ég er orðin þreytt á því að vera niðurbrotna týpan þá vil ég biðja alla að rétta upp hönd og koma með hugmynd að nýjum starfsvettvangi fyrir mig. ég get að sjálfsögðu ekki séð handauppréttingar þannig að ég vil biðja ykkur um að skrifa hugmyndirnar ykkar í kommentið.
ég ætla að taka mér það bessaleyfi að leggja ykkur línurnar örlítið: starfsvettvangurinn þarf helst að vera mögulegur hér á eyju dauðans, hann má helst ekki tengjast fiskvinnslu á neinn hátt nema þá kannski sem skrifstofuvinna, hann má ekki felast í því að selja líkama minn og að lokum væri gott ef þetta væri skemmtileg og skapandi vinnuhugmynd!
ég ætla að fara að lesa frumvarpið í heild sinni núna. er búin að fá hælætin og það var nóg til þess að ég fór ásamt fleirum kennurum hér í vestmann til að skamma bæjarstjórann (sem nota bene var ekki við) þannig að við skömmuðum einhvern annan mann sem þar var. ég vona að hann vinni hjá bænum....heheheheheh...... fylgist með bæjarblöðunum á næstunni kannski kemur mynd af mér! hei, það er svo sem hugmynd: ég gæti orðið fyrirsæta jafn mjó og sæt og ég er!!!

fimmtudagur, nóvember 11, 2004

kennarasleikjur geta farið að gleðjast!

jæja, nú er kennaraverkfallið farið að koma ríkinu við. það stefnir allt í lög á okkur og því geta kennarsleikjur víða um land farið að gleðjast. en það fylgir böggull skammrifi því það er ekki þar með sagt að kennararnir verði ánægðir þegar þeir mæta til vinnu og ekki víst að viðmót þeirra til kennarasleikjanna sé eitthvað til að hrópa húrra fyrir.
vitiði, það er ekkert gaman að vera svona lítils metin. fólk þykir merkilegra og er betur launaðra ef það höndlar með dýrar vörur eða peninga. fólk sem vinnur við menntun barna og unglinga, fólk sem hjúkrar veikum, þeir sem sinna afbrotaunglingum og svo mætti lengi telja er ekki meira virði en skíturinn á skóm ríkisbubbanna sem halda að þeir eigi heiminn. ég er pisst og nenni því ekki að vera skemmtileg núna, en eins og þið vitið er ég það venjulega! ;-)

mánudagur, nóvember 08, 2004

ætli maður mæti til vinnu á morgunn????

nú bíður maður milli vonar og ótta eftir niðurstöðum úr kosningum um miðlunartillögu ríkissáttasemjara. ætli maður mæti til vinnu á morgunn? það er erfitt að segja. þetta er óþægileg staða, maður vill ekki að tillagan verði samþykkt en svo finnst manni leiðinlegt að mæta ekki í vinnu. þessi óvissa er að gera menn svo geðveika að tveir samkennarar mínir hnakkrifust um klæðaburðinn á ingibjörgu sólrúnu í seinna kaffinu í dag... finnst ykkur þetta hægt?

föstudagur, nóvember 05, 2004

frumsýning á morgunn! dýrin í hálsaskógi munu verða vinir á endanum hjá okkur í l.v. hlakka geðveikt til að sjá þetta. hef passað mig á að sú vinna sem ég hef unnið fyrir þessa sýningu sé unnin utan leikhússins svo að sýningin geti komið á óvart...hehehehe.... skrítið að vera ekki jafnbundin og áður. ég held að ég sé að breytast í letidýr eftir að ég minnkaði við mig í leikfélaginu. en það er líka voða notalegt að vera latur öðru hvoru. kannski finnst mér það af því að verkfallið kom einmitt á sama tíma og maður ætti að vera á fullu þegar maður er í leikfélagi eins og þessu. það er líka gaman að vera áhorfandi! áfram letidýr!

þriðjudagur, nóvember 02, 2004

búin að senda atkvæðið til ríkissáttasemjara og er byrjuð að naga neglurnar af áhyggjum af útkomunni úr kosningunni. eins gott að það er langt síðan að ég klippti þær, þannig að það er nóg til að naga fram á mánudag... ef þær klárast eru táneglurnar alltaf eftir.

pæling: hvernig væri það ef að það væri eðlilegt að naga á sér táneglurnar? væri skótískan öðruvísi?

peace!

mánudagur, nóvember 01, 2004

að mæta til vinnu á ný...

jú kennarar mættu til vinnu aftur í morgunn eftir 6 vikna verkfall. það var rosa fínt að hitta krakkana aftur sem og vinnufélagana. umræðan á kaffistofunni var reyndar ekkert skemmtileg. þessi miðlunartillaga ríkissáttasemjara er móðgun við kennarastéttina og því miður held ég að kennarar fari aftur í verkfall. ég var ekki í verkfalli í allan þennan tíma (sem nota bene er töluverður fórnarkostnaður, ekki bara peningalega fyrir kennara heldur líka það nám sem börnin urðu af) til að fá högg í andlitið. ég held að ríkissáttasemjari þyrfti að vera kennari í svona eins og eina viku og þá áttar hann sig kannski á alvöru málsins. sem og þið hin sem vitið ekki baun, reynið að vera skynsöm og hugsið um hag barnanna. að ég tali nú ekki um kennarsleikjurnar! uppáhaldskennarasleikjan mín, hann gunni, hélt að ég væri að verða geðveik þegar ég fór að taka til í jólaskrautinu!!!

pæling: ef að karlmenn væru í meirihluta í kennarastétt, væru launin þá svona lág? ef að karlmenn væru í meirihluta í kennarastétt, hefði verkfallið verið svona lengi? er þessi barátta okkar ekki bara kjarabarátta heldur líka jafnréttisbarátta? eigum við að taka nágranna okkar nojarana til fyrirmyndar til að rétta hag kennara?
síjú

laugardagur, október 30, 2004

aftur verkfall?

já nú er maður búinn að heyra upp og ofan af miðlunartillögu ríkissáttasemjara sem og að klóra sig fram úr henni sjálfur. fokk.....ég segji ekki meir. halda menn að við séum fífl sem látum bjóða okkur hvað sem er! við erum búin að vera í verkfalli í 5. vikur og eftir þá fórn er réttlátt að hlusta á það sem kennarar hafa að segja. við erum ekki blóðsugur sem ætlum okkur að koma sveitastjórnum á kné. við erum venjulegt fólk sem vill fá mannsæmandi laun fyrir þá vinnu sem við innum af hendi. og það er óþolandi að heyra að fólk haldi að við séum í vinnu hálfan daginn. þó að kennsla sé búin þá er fullt eftir. ekki er þáttastjórnandi í sjónvarpi bara í vinnu meðan þátturinn stendur yfir!!! ég er hætt í bili, ég er orðin brjáluð!

föstudagur, október 29, 2004

verkfallið búið?!?!?!?

var kölluð í vinnu í morgunn. ótrúlega skrítin tilfinning. fundarhöld og skipulagning og svo kennsla á mánudag.
búið að fresta verkfalli en svo á eftir að koma í ljós hvort miðlunartillagan verður samþykkt. ég get alla vega sagt það að hún verður ekki samþykkt nema það séu töluverðar breytingar frá fyrri tillögu. mönnum er heitt í hamsi og fyrst við entumst í fimm vikur þá endumst við í aðrar fimm! við vorum ekki að leggja niður vinnu í þetta langan tíma fyrir skít og kanil!
þannig að kennarasleikjur um víða veröld gleðjist og gleðjið kennarana ykkar í leiðinni!

fimmtudagur, október 28, 2004

Íslendingar?

hún laila mín er að vinna að lokaverkefni í háskólanum sínum í london. hún bað vini og félaga að skrifa eitthvað um hvað einkennir íslendinga og vonast til að geta notað þá vitleysu eitthvað. en þar sem ég er svo góð þá langar mig að leyfa ykkur að njóta þessa líka. endilega veltið þessu fyrir ykkur!

Hvað gerir þig að Íslendingi? (hvað einkennir þig og þína þjóð?)

Ætli það sé ekki fyrst tungumálið sem gerir okkur sérstök. Við þykjumst geta lesið fornsögurnar (sem við getum en þurfum eiginlega orðabók því það er ansi margt breytt) og montum okkur af því við alla sem vita hvað íslenskar fornsögur eru.
Við segjum að það sé hvergi betra að vera en á Íslandi á góðum stundum, en verðum mjög pirruð þegar veðrið er leiðinlegt; kalt, snjór, rigning, rok, slydda o.s.frv. og þá langar okkur mest að flytja til útlanda. En auðvitað verða að vera Íslendingar í viðkomandi landi þannig að hægt sé að stofna Íslendingafélag og halda Þorrablót!
Þorramatur er í hávegum hafður einu sinni á ári sem og íslenskt brennivín. Aðra árstíma kemur hvorugt inn fyrir varir Íslendinga. Samt gortum við af því að borða hrútspunga, kæstan hákarl og kindaandlit við alla útlendinga sem við hittum. Þykjumst meira að segja taka lýsi á hverjum morgni! Viðurkennum það bara: okkur finnst best að borða amerískan skyndimat!
Við erum mjög montin af hálendinu okkar en förum samt aldrei þangað. Sendum bara illa búna túrista þangað sem björgunarsveitir þurfa svo að finna. Ætli það sé ekki bara gert til að þurfa ekki að kosta æfingar björgunarsveitanna því þær eru víst svo dýrar, best að slá tvær flugur í einu höggi.
Okkur finnst við líka merkileg af því að við erum svo fá þó að fæstir þori að viðurkenna það. Við erum nefnilega líka með minnimáttarkennd yfir því. Minnimáttarkenndin tengist líka stærð landsins og það étur þjóðina upp að innan. Það er því ekki meira um það að segja.
Við drekkum ekki í miðri viku heldur tökum það út um helgar. Það eru þá yfirleitt bæði föstudags- og laugardagskvöld tekin í það og drukkið svo klukkutímunum skiptir. Þeir sem drekka í miðri viku eiga nefnilega við áfengisvanda að stríða!!!?!??!?!?!?!?!!? Svo fer sunnudagurinn í þynnku og restin af vikunni í að rifja upp hvað gerðist um helgina. Svo byrjar rútínan upp á nýtt.
Íslendingar eru óskaplega nýungagjarnir. Þeir taka við allri tækni fyrstir af öllum í heiminum og er það líklega útaf minnimáttarkenndinni sem nefnd var hér áðan. Við þurfum að vera fyrst með allt og best í öllu til að sanna fyrir heiminum að við búum ekki lengur í torfkofum og við séum þrátt fyrir smæðina alveg kominn í nútíðina. Við erum sko ekki halló!
Íslendingar eru stolt þjóð og verða ofsa ánægðir ef einhver afkomandi Vestur-Íslendings í þriðja lið talar íslensku. En það kemur af því að það er merkilegt að búa á þessu litla landi, tala þetta skrítna tungumál, vera viðbúinn öllum veðrum, borða Þorramat á Þorranum, skötuna á Þorláksmessu og segja við alla How do you like Iceland? Enda þurfum við alltaf smá pepp útaf minnimáttarkenndinni.

Meira af kennarasleikjum

hei!
er búin að vera að velta soldið fyrir mér þessu fyrirbæri þ.e. kennarasleikjum og þá mundi ég eftir soldlu sem að fyrrum rúmmeitinn minn fattaði uppá. sko........kennarasleikjur eru makar kennara!!! hehehehehe....... þið leggið bara þá meiningu í þetta sem þið viljið en ég tek mér það bessaleyfi að skipta um skoðun. kennarasleikjur ekki slappa af í elskulegheitum við kennarana ykkar!

miðvikudagur, október 27, 2004

Kennarasleikjur,iss.

kennarasleikjur eru fyndið fyrirbæri. sem nemendur hötuðum við þær og fyrir kennara (moi) eru þær mjög pirrandi líka. ég held að þetta sé verðugt umræðuefni í miðju verkfalli. enda skilst mér að flestir kennarar séu farnir að sakna nemenda sinna, hvort sem þeir eru kennarasleikjur eða ekki. kannski erum við líka að verða soldið svöng og viljum fara að hætta þessu, því að þrátt fyrir útbreiddan misskilning þá eru kennarar EKKI að fá einhverjar fúlgur úr verkfallssjóði. og hana nú!
en alla vega, þið kennarasleikjur út um víðan völl, slappið aðeins af!

verkfallið

hei aftur!
ég er alveg að bilast úr leiðindum. Síðan verkfallið byrjaði þá er ég búin að þrífa eldhúsinnréttinguna, taka til í öllum skápum í íbúðinni, búa til öll jólakort sem verða send þetta árið (ætla að treina mér að skrifa á þau þar til að nær dregur jólum), búa til merkimiðana á jólapakkana, þrífa bílinn, þvo milljón þvotta og ég veit ekki hvað og hvað. svo reyni ég að vera lengi að þessu öllu því að ekkert virðist þoka í samningaátt. fokk!
reyndar ætlum við guðný og sæfinna að fara að baka jólasmákökurnar bráðum og svo er ég eiginlega búin að ákveða að gera leikgerð fyrir leikfélagið að barnaleikriti sem er í miklu uppáhaldi hjá mér. en það mætti halda að ég væri ótrúlega mikil húsmóðir í mér miðað við það sem ég var að skrifa. ég verð að valda ykkur vonbrigðum....ég er það alls ekki. það kemur bara út á mér einhver skuggahlið í þessu bévítans verkfalli. ætli það endi bara ekki með því að ég fari að prjóna!!!!
síjú!