save a prayer.....lalalallalaaaaa...

hei fólk!
nú er farið að styttast í duran duran tónleikana maður! tæp vika í að æskudraumurinn rætist, vei! keypti greatest diskinn og fékk gömlu arena plötuna skrifaða á disk þannig að nú er bara hlustað á simon og félaga og sungið með hástöfum.
það er soldið fyndið með svona fortíðarflipp hvað maður breytist hálfpartinn í krakkaskrípið sem maður var þegar maður var að hamast við að klippa út úr bravo blöðunum! ég sé herbergið mitt fyrir mér, man hvaða strák ég var skotin í, man ógeðslegu klippinguna sem ég var með, svo fátt eitt sé nefnt... er farin að hlakka geðveikt til og við lilja eigum eftir að garga úr okkur raddböndin.
hvað varðar húsið mitt er ég búin að fara í rúmfatalagerinn og kaupa eldhúsgardínur, veggkertastjaka í borðstofuna, loftljós í eldhúskrókinn og fyrir ofan stigann og eitthvað fleira sem ég man ekki. það er svo gaman að kaupa svona nýtt í nýja húsið sitt....gunna greyinu finnst það ekki alveg jafngaman enda þarf hann alltaf að halda á pokunum...hehehehehe....
en fyrir nánustu vini: þá er ég með frekar góðar fréttir. ég ætla ekki að pósta það núna enda ekki tímabært en ef þið sem skiptið okkur máli viljið vita þá annað hvort sendið þið póst eða hringið. þ.e.a.s. ef við verðum ekki búin að láta vita.
ekki nema 35 dagar í þjóðhátíð! jibbí!

seint blogga sumir....

jamm ég veit! tveir mánuðir liðnir og ríflega það en það er svona að vera bissí og mikilvæg, maður hefur ekki tíma fyrir allt.
to cut a long story short: færeyjaferðin var æði, færeyningar tóku vel á móti okkur og við vorum ekkert skömmuð fyrir að drekka áfengi á farfuglaheimilinu þó það væri bannað. dönsuðum færeyska dansa í götu og smökkuðum á ,,ljúffengum" hefðbundnum mat færeyinga og fórum að sjálfsögðu á færeyska pöbba. kagginn stendur uppúr sem lummó staður en cafe natúr var fínn.
eftir heimkomu tók vinnan við og undirbúningur við flutninga. á júróvisjóndaginn (ég var einmitt í frábæru partýi hjá kötlu) fengum við lyklana að húsinu og þá rifum húsið allt í tætlur og erum að endurbyggja það aftur. það hefur gengið þokkalega þó svo að margt eigi eftir að gera enn. sjómannadagshelgina komu pabbi og gulla til okkar með tré til að gróðursetja í garðinum og þá gistum við fyrstu nóttina í húsinu. vei!
fór svo til ítalíu með starfsfólki hamarsskóla eftir skólaslit. við vorum semsagt að skoða ítalska skóla því þeir eru víst alveg spes....en mest vorum við í rauðvínssmökkun. ég, guðný og helga tryggva vorum rosalega fyndnar þessa viku og vonum að allir sem fengu póstkort hafi verið þakklátir. sum eru kannski ekki komin ennþá en ég vil biðja þá sem ekki fengu kort að móðgast ekki, ég fékk nefnilega sinaskeiðabólgu af bjórdrykkju þannig að ég gat ekki skrifað mjög mörg kort.
er sumsé komin heim og er að dunda við að taka upp úr kössum og svona. þannig að ef að ykkur leiðist megið þið endilega skella ykkur í heimsókn til að hjálpa til við endurbygginguna.
ciao!

það er tíðindalaust héðan frá suðurhafsparadísinni. sambýlingar okkar staddir í prag (helvítin á þeim) og mest af frítímanum fer í kóræfingar. æfingarnar eru svona stífar vegna þess að það eru tónleikar á sumardaginn fyrsta, til fjáröflunar fyrir færeyjaferðina. jibbí! svo nottlega þarf maður að fara að smyrja raddböndin til að syngja: ólafur reið með bjööörgunum fraaaam villir haaannn stillir haaann..., með innfæddum. johnseninn mun svo sjá að brytja niður skerpukjötið og ferja okkur út um allt. vei! við erum meira að segja að æfa drottinn er minn hirðir á færeysku, það er frekar fyndið og erfitt að halda andlitinu þegar maður er að rembast við að bera orðin fram rétt. það á líka eftir að vera erfitt að hlusta á háalvarlegan prest messa á færeysku á sunnudeginum eftir skrall dauðans....heheheh.... en það verður bara gaman.
skál fyrir frændum vorum færeyjingum!

já tæknin getur strítt manni. maður sest saklaus fyrir framan tölvuna og ætlar að blogga um vorið og blómin og tuðruna sína og hvað gerist þá? internal error og allt horfið. sjitt fokk piss! þannig var það um daginn og ég fór bara í fýlu. ætla að reyna aftur núna....
nýjasta af tuðrumálum er það að hún hefur ekki blotnað síðan við fengum hana. það hefur bara verið skítaveður (sem gerist mjög sjaldan hér við suðurhafsparadísina.... ;-)) og nú bíðum við spennt eftir því að geta brunað frjáls hér um alla ála og sund. ég get svei mér þá sagt óhrædd að við verðum skemmtilegasta og vinsælasta fólkið til að heimsækja í sumar! og verið bara velkomin vinir mínir nær og fjær!
nú fer að styttast í færeyjaferð og ítalíuferðina og að fá húsið afhent. það er svo margt að bresta á að maður bara ræður sér ekki fyrir kæti. við árni johnsen verðum að chilla í færeyjum og við marco á ítalíu...vei! og svo auðvitað við gunni í nýja húsinu jibbí!
segið mér finnst ykkur ég alltaf vera að tala um sömu hlutina????? mér finnst ég vera að endurtaka mig soldið en só bí itt.
hei....júróvísjón nálgast. ég held ég geti sagt með fullri vissu að ég muni halda með póllandi. það var freistandi að halda með austurríki en það er eiginlega óld njús fyrir mig þannig að ég varð eiginlega að breyta til. albanía kom líka sterk inn en maður verður að velja og hafna ekki satt? hlakka mikið til að berjast fyrir mínu í teitinu hjá kötlu og örvari júróvisjónpartýhöldurum með meiru!
gó pólland gó pólland!

tíminn líður hratt.....

....á gervihnattaööööld!
jeminn haldið þið að þetta sé leti dauðans! til hvers að reyna að vera nörd ef maður vinnur ekki að því hörðum höndum. þetta er örugglega eins og líkamsrækt: einu sinni á dag kemur skapinu í lag! en þetta er líka eins og með líkamsræktina: maður gefst upp eftir u.þ.b. mánuð....
en hvað um það!
lífið er yndislegt hér í vestmann. við höfum það voða gott hjá ástu steinunni og gauja. losnuðum reyndar við þau um páskana og í stað þess að slappa af fengum við magga bróður og barnastóðið hans í heimsókn. að öllu gríni slepptu þá var það alveg ofsagaman og leiðinlegt að þau skyldu ekki geta verið lengur! það verður bara lengra næst þegar maður verður kominn í húsið sitt og nóg pláss fyrir alla og tuðran verður komin í gagnið. ójá krakkar mínir: TUÐRAN!!!!! það munu verða til björgunarvesti fyrir alla og allir góðviðrisdagar sumarsins verða nýttir í tuðruferðir kringum eyjarnar, útí eyjarnar, upp í markarfljót....út yfir endimörk alheimsins þess vegna! jibbí! já krakkar mínir komiði sæl hér verður aðalfjörið í sumar! utanlandsferðir hvað???
svo nottlega verður aðalpartýið á þjóðhátíðinni hjá mér og heyrst hefur að innanhúsarkitektinn í hópnum sé með ákveðnar hugmyndir að innréttingum í tjaldið!!! styð hana í hvívetna og vona að gáfumenn verði nógu gáfaðir til að fagna þeim breytingum sem hún eva innó boðar!
og talandi um þjóðhátíð. sagt er að elvis muni lifna við og mæta! dánánáná.......

jessöríbobb! maður er fluttur, næstum búin að gera íbúðina hæfa til að skila lyklum og nú bíður maður spenntur eftir 1. júní. við gunni minn erum að springa úr spenningi sem á eflaust eftir að magnast þegar líður á vorið og við förum að sjá fyrir endan á biðinni eftir húsinu.
reyndar erum við í mjög góðu yfirlæti hjá ástu steinunni og gauja og það væsir sko ekki um okkur. sakna kisa reyndar og hann virðist sakna okkar. hann hefur tvisvar stungið af til okkar fyrra heimilis og er gunni eins og þeytispjald á milli að rúnta með köttinn. ég held að bráðum verði kisi orðinn svo bílvanur að þeir fara að fara saman á bryggjurnar! þeir geta þá haft rúðurnar skrúfaðar niður og notið fýlunnar saman sem liggur hér yfir öllum bænum. peningalykt smeningalykt! algjör vibbi!!! þá kýs ég frekar kúaskít sem nýbúið er að bera á tún!
heils
d.

það er nóg að gera á stóru heimili eins og þar stendur. þó að íbúðin hafi ekki stækkað er óhætt að segja að það sé óvenjulegt að hafa 3 búslóðir inni í einni íbúð sem ekki er stærri en þetta. sjæse! jóna mjóna fékk að setja dótið sitt inn í gær. og í fyrradag vorum við búin að tæma litla herbergið plús að taka nokkuð mikið úr stofunni og ýmislegt annað drasl. en svo kom nú bara á daginn að það reyndist ekki nóg!
litla herbergið er stútfullt, frá gólfi upp í loft sem og hálf stofan og hluti af ganginum. auk þess fórum við með eldhúsborðið okkar og stólana til að koma hennar borði, bekk og stólum inn. þvottahúsið prýðir nú tveir ískápar, einn frystiskápur og ein þvottavél (að auki við frystikistuna okkar og þvottavél). geri aðrir betur! við erum líka alveg komin á það að fara fyrr en búist var við. það er ekkert gaman að búa í svona kraðaki!
ég verð því að tilkynna þeim sem höfðu hugsað sér að koma í heimsókn áður en við flyttum að því miður er ekki hægt að taka á móti ykkur :-( það verða þá bara fjöldaheimsóknir í byrjun júní í nýja húsið mitt. jibbí! en það væri kannski betra ef það yrði um miðjan júní, jors trúlí er nefnilega að fara til ítalíu í byrjun júní.
húrra fyrir pylsugerðarmanninum!!!

allah gef mér úlfalda!

jæja, þá er það eiginlega alveg komið á hreint. við hjónaleysin munum yfirgefa palestínu um mánaðarmótin færa okkur austar, það virðist vera rólegra þar...ehehhee...
en við fórum að hamast við að byrja að pakka niður í gærkveldi. við fylltum 15 kassa en það er aðeins brot af því drasli sem var í litla herberginu. sjitt...þetta á eftir að vera svo mikið! en vonandi man gunni minn eftir því að ná í fleiri kassa svo hægt sé að halda áfram í kvöld. nú hugsa eflaust sumir: af hverju að flýta sér svo mjög? jú ég skal sko svara því! við(!) höfum ákveðið að leyfa jónu sem er að kaupa af okkur að geyma dótið sitt hér frá 15. feb. og til þess að það sé hægt þarf aðeins að rýma til. við erum svo ósköp liðleg!
þeir sem vilja ólmir hjálpa til við niðurpökkun og flutninga endilega hafið samband!
knús

sjaldséðir hvítir...

sælir góðir hálsar nær og fjær! (jú líka þið hin sem eruð með flensuna) jors trúlí hefur ekki verið sérlega iðin upp á síðkastið við að auglýsa hvað er að gerast í lífinu....enda er allt rólegt á vesturvígsöðvunum...
við skrifum undir kaupsamning eftir helgi (jibbí) og svo er að fara í gang allt í sambandi við söluna á íbúðinni. enn er ekki komin dagsetning á hvenær við þurfum að flytja út en það verður örugglega fyrr en seinna. ásta steinunn og gaui hafa aumkað sig yfir okkur og við munum búa hjá þeim þar til yfir lýkur. kisi flytur þó í framtíðarheimilið okkar þar sem við treystum honum ekki til að vingast við lennox og tyson (kettina hennar ástu st.) en í staðinn vonumst við til að hann eigi platónskt samband við cassöndru sem er kisan þeirra sem við kaupum af. platónskt spyrjið þið? jú því bæði eru geld og því ekki möguleiki á öðru.
er á góðri leið með að gjörbreyta mataræðinu á heimilinu eftir að hafa séð þætti sem kallast You are what you eat. breskir þættir um fólk sem fær næringarfræðing til að hjálpa sér við að breyta um lífstíl. ókei, fólkið er allt hátt í tvöhundruð kíló en fokk hvað fólk getur étið mikinn viðbjóð og á hann gjörsamlega á lager þannig að það er seif þó að það komi kjarnorkuvetur! tek það fram að ég er algjör nammigrís og finnst gaman að borða góðan mat og hreyfi mig helst ekki meira en þarf. en núna er ég farin að fara út í göngur og borða mandarínur í öll mál! ég verð mjórri með hverri mínútunni! ég verð orðin há, grönn og ljóshærð þegar þið sjáið mig næst!
jæja stutt núna en febrúarheitið mitt var að vera duglegri við að blogga og við vitum öll hversu góð ég er að halda heitin mín....en these are good intensions!
peace!

einu sinni var...

einu sinni var lítil kona og stór maður. þau áttu meðalstóra íbúð og kött. þau ákváðu að þau þyrftu stórt hús til að hýsa alla þá gesti sem streymdu til þeirra sí og æ. svo keyptu þau sér hús og allir urðu voða glaðir að hafa nóg pláss þegar þeir kæmu í heimsókn. nú þau þurftu nottlega að setja meðalstóru íbúðina á sölu sem þau og gerðu. og undur og stórmerki: ekki mánuði seinna er íbúðin seld! næstum á uppsettu verði!
litla konan og stóri maðurinn sungu: lífið er yndislegt... þangað til þau þurftu að búa á götunni í tvo mánuði þar til að þau fengju stóra húsið afhent. í þessa tvo mánuði sungu þau: rabbabara rúna... til að létta sér lund enda er þetta hresst lag. og dag nokkurn, nánar tiltekið 1. júní fluttu þau inn í stóra húsið og lifðu hamingjusöm upp frá því!

gleðilegt ár og allt það...

jæja þá er árið 2005 gengið í garð og hið óumflýjanlega mun gerast nú á næstu dögum....ég mun verða þrítug. ó mæ god! en ég mun taka þessu með stóískri ró eins og mér einni er lagið. ég mun eyða afmælisdeginum í sveitasælu og ró og friði, með andlegan stuðning fjölskyldunnar mér til halds og trausts. ég mun anda rólega, stunda innhverfa íhugun um fertugsaldurinn og drekka ótæpilega af rauðvíni til að gleyma allri þessari vitleysu sem tengist því að eldast!
svo mun ég halda áfram að drekka til að gleyma helgina eftir þar sem ég mun njóta félagsskapar vina og kunningja sem munu hvetja mig áfram til að verða hundgömul þannig að ég geti haldið mörg ammælispartý í viðbót!

gleðileg jól allir saman...

elsku vinir nær og fjær, sérstaklega þið sem ég gleymdi að senda jólakort:
gleðileg jól og farsæld á komandi ári. þakka liðið sem þið senduð mér í sumar...
vonast til að hitta ykkur sem oftast í bananastuði á nýju ári.
knús
drífa hrífa

bæ ðe vei.....ég keypti mér hús í gær. reyndar ekki búið að skrifa undir en allt lofar góðu. ef allt gengur að óskum getið þið komið að heimsækja mig í nýja húsið í júní.....ble....

jóla-hvað!!!

við önsumussu ekki!
en annars eru jólin á leiðinni eins og flestir vita. allir pakkar tilbúnir nema til hans gunna míns, hvað það verður veit nú enginn, ekki einu sinni ég!!! hehehehe..... en það er nú bara gaman. missi af litlu jólunum í skólanum á föstudaginn þar sem ég er að fara að fórna mér í baráttunni og fara á jólahlaðborð. erum að fara á hótel rangá og verðum í góðra vina hópi að éta góðan mat og gista í lúxus. ekkert smá næs! svo verður brunað í bæinn til að hitta ættingja og aðra sem láta mann fá jólapakka! hehehe... en förum heim á þriðjudag þar sem við ætlum að reyna að hitta lailu og lúlla, lundúnarbúana ógurlegu sem ætla að dvelja á klakanum um jólin. hlakka ýkt til!
bæ
skyld´ða vera jólahjól.........

leitið og þér munuð finna...

íbúðin komin á sölu en enginn hefur enn spurt um hana mér vitanlega. buðum í hús á mánudag en vorum yfirboðin og fengum ekki notalegasta stóra hús sem ég hef komið í! þýðir víst ekki að sýta það en erum enn að leita. erum búin að skoða nokkur og skoðuðum eitt í kvöld sem okkur leist þokkalega vel á. það er reyndar doldið lítið en ýkt kósý og á réttum stað í bænum. ef við ættum von á þríburum eins og sigga lára vinkona mín þá myndi þetta ekki duga! en garðurinn er flottur og þá gæti ég loksins fengið mér trén sem ég hef saknað svo að hafa. ef þið vitið af krúttlegum tiltölulega heillegum húsum í vestmann, helst í austurbænum látið mig vita. það er orðið erfitt að vera á gaza!

hús hús húsamús!

ég er öfga skotin!!! og það ekkert smá! gunni minn má bara næstum fara að vara sig! skoðuðum hús á hólagötunni í dag. jeminn! æðislegt, gamalt, mikið endurnýjað, góð sál, risastórt og því pláss fyrir heilan barnahóp eða marga ketti. það fer sko eftir því hvernig mun ganga í barneignabransanum. stór bílskúr handa gunna og bílnum....hehehe...og mörg mörg herbergi. gæti fengið alla familíuna í heimsókn og það væri samt nóg pláss. ágætis garður og stór pallur (jess!) frábært þvottahús og ég veit ekki hvað! og það kostar ekkert svo mikið..... sko það er nottlega allt dýrt þegar maður er fátækur en þetta kostar svipað og meðalíbúð í reykjavík.
það er auðvitað ekkert ákveðið ennþá. þurfum að losna við íbúðina fyrst og eigum eftir að skoða annað sem er töluvert minna en í sömu götu þannig að kannski verð ég aftur ástfangin eftir helgi. þannig að kannski verð ég bráðum einbýlishúseigandi!?!?!?!?!? jibbí!
þá getum við flutt úr palestínu og í frelsið!

flensa skensa...

er heima veik með viðbjóðs kvef, hita og hálsbólgu. svaf eiginlega ekkert í nótt fyrir andnauð(útaf stífluðu nefi) og munnþurrki (útaf því ég þurfti að anda með munninum). sit því heima og er að kafna úr kvefi og leiðindum. fékk heimsókn í klst. (af því að ásta steinunn nennti ekki heim í hádegismat) og hringdi svoí mömmu gömlu og talaði við hana í 1 og 1/2 tíma. geri aðrir betur. er með geðveikan móral því að það er geðtruflað að gera hjá mér í vinnunni. þarf að fara yfir próf, fara yfir skrift og sögubók, skrifa í samskiptabækurnar, hringja í tvo foreldra, undirbúa glósurnar fyrir næsta félagsvísindatíma, undirbúa næstu viku.....sjitt! nú fæ ég enn meiri móral. ætli maður neyðist ekki til að harka af sér á morgunn og mæta og klára veikindin um helgina...

en að öðru skemmtilegra. það er geðveik frétt á leiðinni: við erum að pæla í húsakaupum hér í vestmann og erum að fara setja íbúðina á sölu!!! ýkt, kúl, geðveikt! krossleggið putta fyrir mig!

reykjavíkurferðir....

fór í bæinn um síðustu helgi. öfga gaman, heimsótti fólk eins og vindurinn en samt urðu nokkrir útundan sem er vissulega miður. en ég fer aftur í svona heimsóknir 10.-12. des. ætla líka að nota tækifærið og fara til læknis og svona.
en talandi um svona ferðir þá fór ég ásamt guðnýju vinkonu minni og samkennara til reykjavíkur í gær. flugum kl. 20.00 í stað 19.30 þar sem það var seinkunn og námskeiðið sem við vorum að fara á byrjaði kl. 19.30....týpískt. nú við fórum samt sem áður og þurftum því að horfa á það sem verið var að gera. soldið fúlt þar sem þetta var leiklistarnámskeið á vegum þjóðleikhússins. en þegar þetta var búið var að sjálfsögðu farið á kaffihúsið sólon sem hefur verið okkar viðkomustaður síðan við fórum að fara á þessi námskeið. hittum írisi og fengum okkur bjór og svona. eeeeennnnnn.......svo var mæting í flug kl. 7.00 í morgunn. fokk hvað það var erfitt að vakna. ekki af því það við hefðum verið á trylltu fylleríi heldur af því við fórum svo seint að sofa. nú leigubíll á völlinn og við innritun: það er klukkutíma seinkun. og hvurn djöfulinn áttum við að gera í þennan tíma, kringlan ekki opnuð, engin kaffihús opin og ekki vorum við á bíl til að fara á rúntinn og síðast en ekki síst ekki gott þar sem við áttum báðar að mæta í vinnu kl. 8.00. nú svo endar með því að flugvélin fer loks af stað kl. 9.30 og þá var ekki send ein vél heldur tvær litlar sem minntu helst á leikfangavélar. ég get svarið það! en flugið var ekki svo slæmt þó við hefðum verið nokkuð svartsýnar.
en pæling: af hverju er ekki gert meira fyrir fólk sem er leiksoppar örlaganna og getur ekki komist heim til sín vegna einhverra leiðinda í flugsamgöngum? og af hverju er flugvallarstarfsfólk alltaf pirrað og dónalegt? er það í samningunum þeirra?

ó reykjavík ó reykjavík....

er á leiðina í borg óttans. gott að skipta aðeins um umhverfi eftir alvarlega pest mánudagsins og skrítna vinnuviku. hlakka öfga til að hitta familíuna og vonast líka til að geta keypt restina af jólagjöfunum. já, ótrúlegt en satt þá hef ég náð að nurla saman í verkfallinu fyrir einhverjum jólagjöfum. þrátt fyrir lítil fjárráð hef ég verið heppin og hef haldið vel á spöðunum þó ég segji sjálf frá. ætla líka að reyna að hitta á einhverja af vinunum en fjölskyldan gengur fyrir. það verður gaman að sjá hvort litla dýrið hún sigríður birta sé ekki orðin stærri og feitari (heheheh....) en síðast, enda er hún mesta krútt í heimi!
kannski fæðist líka litla barnið hennar lilju minnar um helgina og þá get ég farið séð það alveg splunkunýtt.
jæja, ætla að fara og fá mér í gogginn fyrir herjólfsferðina. áfram herjólfur!

,,flökurt, með nábít...."

góðir hálsar!
mikil pest hefur lagst á kennara í vestmannaeyjum, svo alvarleg að enginn stóð í lappirnar til að mæta til vinnu í morgunn. mér skilst að þessi veikindi kallist á latínu: mótmælus lagasetningus og herjar á vinnandi fólk í kjarabaráttu. einkennin eru: vonbrigði, vanmáttur, sorg og skæð útbrot við að sjá ákveðinn ljóshærðan ráðherra. eina lækningin er lyf sem kallast réttláten samningen.
erfitt er að segja til um hvenær alger lækning verður tilbúin en vísindamenn frá tveimur samtökum vinna hörðum höndum við að þróa lyfið. ef það tekst ekki fá kennarar ólyfjan sem getur orsakað enn frekari einkenni sem og ástand sem kallast uppsagnibus margintes og skilur skólahald í landinu eftir í rústum. vonandi kemur ekki til þess!
takk fyrir túkall!

hugmyndir að starfsvettvangi...

jæja mínir kæru vinir... lífið leikur ekki við kennara í dag. en þar sem ég er orðin þreytt á því að vera niðurbrotna týpan þá vil ég biðja alla að rétta upp hönd og koma með hugmynd að nýjum starfsvettvangi fyrir mig. ég get að sjálfsögðu ekki séð handauppréttingar þannig að ég vil biðja ykkur um að skrifa hugmyndirnar ykkar í kommentið.
ég ætla að taka mér það bessaleyfi að leggja ykkur línurnar örlítið: starfsvettvangurinn þarf helst að vera mögulegur hér á eyju dauðans, hann má helst ekki tengjast fiskvinnslu á neinn hátt nema þá kannski sem skrifstofuvinna, hann má ekki felast í því að selja líkama minn og að lokum væri gott ef þetta væri skemmtileg og skapandi vinnuhugmynd!
ég ætla að fara að lesa frumvarpið í heild sinni núna. er búin að fá hælætin og það var nóg til þess að ég fór ásamt fleirum kennurum hér í vestmann til að skamma bæjarstjórann (sem nota bene var ekki við) þannig að við skömmuðum einhvern annan mann sem þar var. ég vona að hann vinni hjá bænum....heheheheheh...... fylgist með bæjarblöðunum á næstunni kannski kemur mynd af mér! hei, það er svo sem hugmynd: ég gæti orðið fyrirsæta jafn mjó og sæt og ég er!!!