prufa...

testing testing vonn tú þrí...

Gleðileg jól!

jæja kæru vinir og vandamenn nær og fjær... nú eru jólin að bresta á og þá langar mig til að óska ykkur öllum gleðilegra jóla og farsældar á komandi ári. takk fyrir allt gamalt og gott og ég hlakka til að hitta ykkur aftur hvenær sem það nú verður. munið það er alltaf nóg pláss fyrir gesti á ásavegi 24! verði ykkur að góðu og ég vona að þið fáið í jólagjöf eitthvað sem ykkur langaði virkilega í!
knús og klossar
d.

miss world punktur is

eins og alþjóð veit var unnur birna ,,okkar" kosin ungfrú heimur núna um helgina. eflaust er þetta frábært og miðað við höfðatölu er magnaður andsk.... að við skulum hafa átt 3 ungfrú heimur. það eru ansi margir í kringum mig sem að halda vart vatni yfir þessum fréttum. er ég lúði að tárast ekki af gleði? ég meina lífshamingja mín veltur ekki á því að þessi snoppufríða snót ætli að bjarga heiminum með fegurðina að vopni, er það???
maður getur líka komið með þessa spurningu: er hægt að keppa í því að vera sætastur? eins og kom fram í myndinni í skóm drekans.
viljum við konur vera metnar eftir einhverri staðlaðri ímynd um fegurð? hver býr til þennan staðal? er nauðsynlegt að vera með vaselín á tönnunum, límband á rassi og brjóstum og vera við hungurmörk til að vera metin að verðleikum? bara hingað og ekki lengra! mér þætti miklu merkilegra ef íslensk kona ynni friðarverðlaun nóbels! hún hefði þá eitthvað fleira til brunns að bera heldur en einungis góð fegurðargen!
sveiattan!

jebb, er á lífi. er búin að vera nánast heiladauð frá frumsýningu. þetta var ansi mikið stress undir restina og mikil að gera, svo eftir frumsýningu var nottlega djammað dulítið og síðan hef ég verið í letikasti nánast. fékk reyndar alla stórfjölskylduna í heimsókn eina helgina (píndi liðið til að koma að sjá leikritið). það mættu 9 manns og viti menn og dvergar það var pláss fyrir alla! vei hvað það er gaman að búa í stóru húsi! það vildi nú reyndar þannig til að ég var niðri í leikhúsi megnið af helginni.....djö....tvær sýningar á laugardeginum og ein á sunnudeginum. það var reyndar ekkert svo slæmt því það dæmdist á gestina að elda stórsteikina á laugardagskvöldinu. öfga gaman að fá fólkið sitt til sín, enda hafði ég ekki komist upp á land síðan í september. ég veit reyndar ekki hvenær mágkonur mínar koma aftur, það var nefnilega doldið vont í sjóinn báðar leiðir..... heyrist það á þeim að þær ætli að stofna samtökin: GFL sem stendur fyrir Göng Fyrir Landkrabba og munu starfa samhliða Ægisdyrum. Þeir sem styðja þessar framkvæmdir eru beðnir um að mæta við Bakkaflugvöll með skóflur 1. janúar næstkomandi kl. 13.00 og byrja að moka! athugið að það má koma þunnur!

er ýkt fúl. var að enda við að skrifa langt blogg og öfga skemmtilegt og þegar ég ætlaði að pósta það þá týndist það. þannig að ég skrifa seinna glaðari í bragði. bæ...

skilaboðaskjóðan

skilaboðaskjóðan hefur verið lokuð undanfarið hjá manni enda töluvert að gera. ég er orðin meistari í að búa til blóm úr herðajárnum (svona eins og maður fær í efnalaugum), sníða laufblöð, sauma þau saman og festa á rafmagnsrör, nota heftibyssu, veggfóðra með teppalímbandi, klippa hæsnanet og móta það í hina ýmsustu hluti. svo er það nottlega vinnan við leikskrána sem er að bresta á og svo þarf maður líka að muna textann sinn og stöðurnar á sviðinu. ofan á allt saman þarf maður víst að sinna manninum sínum, vinnunni sinni, köttunum og heimilinu. já ekkert nema glamúr að tigna leiklistargyðjuna! en gaman er það þegar fólk ætlar að ærast af hrifningu að lokinni frumsýningu, þá er öll þessi vinna svoooooooo þess virði. spurning reyndar hvort að fjölskylda og vinir verði ekki búnir að afneita manni vegna sambandsleysis???...hehehehehe.... alla vega þá bið ég kærlega að heilsa ykkur öllum og ég sakna ykkar geððegt. býst við að heyra frá ykkur eftir FRUMSÝNINGARDAGINN 12. nóvember!

ég var víst klukkuð!

já krakkar mínir margt og mikið gerist í netheimum og sumt veit maður ekki alveg hvað er....en sumsé var ég klukkuð og mér skilst að þar með verði ég að segja frá einhverjum 5 atriðum sem flestir vita ekki um mig.... látum okkur nú sjá:
1. ég þykist vera æðislega dugleg og klár en er inni við beinið letihaugur dauðans. sat t.d. frekar á rassgatinu í gær og drakk kók læt og reykti og talaði í símann frekar en að þrífa risastóra einbýlishúsið mitt. heheheh....þið sem hafið komið í heimsókn haldið kannski að það sé alltaf svona fínt og strokið hjá okkur hjónaleysunum...en ónei...
2. mér finnst geðveikt gott að bora í nefið. reyni að stunda það í einrúmi en gleymi mér stundum og þá kemur mitt sanna sjálf í ljós....
3. mér er farið að þykja mjög vænt um cassý, nýja köttinn á heimilinu, en ég einmitt lét hana fara geðveikt í taugarnar á mér fyrst. vildi ekki að marteinn minn félli í skuggann af nýjasta fjölskyldumeðlimnum.
4. ég dæli aldrei bensíni sjálf á bensínstöð, læt alltaf bensíntittina gera það. það eru reyndar tvær ástæður fyrir því: í vestmannaeyjum eru engir bensíntittir sem slíkir en maður borgar jafnmikið fyrir að dæla sjálfur og að fá þjónustu. hin ástæðan er að ég keyrði einu sinni af stað með bensínbyssuna ennþá í bensíngatinu og sleit systemið af, braut stefnuljós og rispaði bílinn(þegar slangan slengdist í bílinn eftir að hafa slitnað) nákvæmlega eins og í seríós auglýsingunni sem tröllreið öllu hér um árið.
5. ég á mér líka leynda drauma um að verða heimsfræg og ýkt rík. veit reyndar ekki enn hvernig ég fer að því en það skal gerast!!! heimsyfirráð eða dauði!

sjitt hvað þetta var erfitt....hmmmmmm....jæja hvern skal klukka næst? íris sig og gunnar þór, það eru eiginlega einu bloggararnir sem ég veit um sem ekki er búið að klukka.
klukk!

jessörí bobb æm alæv!
jebb maður var svona í smá pásu....hemhem...þær verða eflaust einhverjar nú þegar æfingar eru hafnar á fullu í leikfélaginu. maður fórnar því að nördast fyrir listina eða hvað? kannski er þetta bara húðleti sem veldur því. en reyndar hef ég verið í vinnu fram undir kvöldmat undanfarnar tvær vikur (og nota bene er ég yfirleitt búin að kenna um 12.30) og kvöldin hafa farið í æfingar hjá l.v. (þá er ég ekki að tala um lúðrasveitina!) og svo eftir æfingar þarf maður að vinna upp áhorf á þeim sjónvarpsþáttum sem maður lét taka upp fyrr um kvöldið, svo loks drattast maður í rúmið. þetta verður svo eflaust svæsnara eftir því sem líður á æfingatímabilið... en djöfull er þetta nú gaman... þ.e. ekki sú ofurþreyta sem maður er allar helgar að reyna að yfirbuga með ómældum svefni, heldur það að taka þátt í svona frábæru leikriti. ýkt kúl geðveikt! ég hér með ætlast til að allir sem vettlingi geta valdið komi nú á sýningu og sjái skvísuna í hlutverki ofursexý nornar sem búin er að sminka yfir baugana. ýmislegt á sig lagt fyrir egóið ha?

brandari frá gunnari þór. takk gunnar!

Það var ung og falleg stúlka sem var svo niðurdregin og hrygg að hún ákvað að binda endi á þetta allt og fyrirfara sér með því að stökkva í höfnina. Hún stóð á hafnarbakkanum og þegar
hún ætlaði að stökkva kemur til hennar ungur sjómaður og spurði hana hvers vegna hún væri að gráta. Hún sagðist ætla að fyrirfara sér.
Honum fannst það synd og sagði við hana að hún hefði mikið að lifa fyrir. Skipið mitt siglir til Ameríku á morgun, ef þú vilt skal ég lauma þér með. Hann færði sig nær stúlkunni og tók utan um hana og hvíslaði að henni,
"ef þú verður góð við mig verð ég góður við þig". "Já" sagði stúlkan hverju hef ég að tapa. Um nóttina laumaði hann henni um borð í skipið og faldi hana í einum björgunarbátnum. Hann færði henni annar slagið mat og drykk og í hvert skipti elskuðust þau heitt og innilega.
Þrem vikum seinna var skipstjórinn á venjulegri eftirlitsferð og fann hana í björgunarbátnum. Hann spurði hana hvað hún væri að gera þarna. Hún sagði honum eins og var að sjómaðurinn væri að lauma henni til Ameríku en í staðinn svæfi hún hjá honum. Þá sagði skipstjórinn "Þú hefur verið plötuð laglega núna þetta er Herjólfur"

já rosalega getur maður verið rólegur í tíðinni... enda hefur rignt töluvert hér...held að monsoon rigningarnar hafi komist alla leið til suðurhafsparadísarinnar. en öll él styttir upp um síðir eins og þar stendur þó svo að þessi él hafi verið bráðnuð þegar þau féllu til jarðar.
eva og þór voru hér um daginn, óvænt framlenging á fríinu þeirra, okkur gunna til ómældrar gleði. að vanda var gleðin pumpuð upp með smá áfengi og varð enn skemmtilegra fyrir vikið. lundinn og tríkot og kvöldið fullkomnað! en nú eru þau farin aftur og maður bara tárast við tilhugsunina...en nú styttist í að laila mín komi heim og svo koma eva og þór nottlega aftur í kringum jólin. vei!
skólinn er byrjaður á fullu og nóg að gera. var eiginlega búin að gleyma því hvað það tekur á að siða annarra manna börn til og reyna að kenna þeim eitthvað í leiðinni. ég held að til þess sé leikurinn gerður með þessu ,,langa" sumarfríi. að kennaragreyin gleymi púlinu og puðinu yfir sumartímann svo að þeir hætti ekki að kenna og fara út á einhverjar aðrar brautir mismikið betur borgaðar...
nýtt leikár er byrjað hjá okkur í l.v. og meistarastykkið skilaboðaskjóðan verður sett upp nú á haustmánuðum. jors trúlí gat nottlega ekki setið á sér og tróð sér í lítið hlutverk. (maður var kominn með fráhvarfseinkenni...) tek að mér hlutverk nornarinnar og ég hef heyrt því fleygt að ég þurfi víst ekki að leika mikið....hehehee....en reyndar er ég á smá sérsamning við leikstjórana þannig að ef málin fara að þróast eitthvað þá má ég draga mig útúr þessu. en málin ganga sumsé mjög hægt og ef það er eitthvað sem ég er að læra þá er það þolinmæði!(þið fattið sem eigið að fatta)
annars eru vestmannaeyingar mest að tala um útboð herjólfs og sameiningar skólanna í saumaklúbbum, á kaffistofum og í skýlinu. jú og auðvitað nýtt kvótaár....má ekki gleyma því. ef þið viljið fræðast meira um þau mál bendi ég á eyjafrettir.is og fleiri tengda miðla.

margt býr í þokunni...

var að spjalla við ödda bró. hann var að hringja í mig til að láta mig vita af því að hann væri á leið til eyja að dæma fótboltaleik. það er nú svo sem ekkert í frásögur færandi nema mér varð litið út um gluggann og spurði sem svo: eigið þið að koma fljúgandi eða með herjólfi? með flugi var svarið. þá gat ég ekki annað en skellt upp úr þar sem þokan hér er svo svört að það sést varla milli húsa og að auki nær þokan alveg niðrí sjó. þetta uppálandi lið!!! hann var að fara alla leið á bakka og datt ekki í hug að athuga með flug! heheheh.... við kvöddumst og hann ákvað að hringja í ksí dómaradeildina eða eitthvað til að athuga með hvort búið væri að flauta þetta af. (gett itt?) hann hringdi svo aftur og sagði að það væri athugun kl. 16.00. maður lifandi! athuga smathuga...það verður ekki flogið til vestmannaeyja næstu daga með þessu áframhaldi!
þess vegna vel ég þann þrælgóða ferðamáta, herjólf, til að fara upp á land á morgunn. vei! er að fara norður á strandir með pabba, gullu, ödda bró og gunna mínum. verð eflaust ansi þreytt í vinnu á mánudag(fyrsti vinnudagur vetrarins) eftir maraþonkeyrslu frá djúpuvík til þorlákshafnar og þaðan til vestmann. en ég efa ekki að þessi ferð verði þreytunnar virði. áfram galdramenn og konur!

Þjóhátíð yfirstaðin = sumarið er búið

jess mæ hors, Þjóðhátíðin búin og það þýðir aðeins eitt: sumarið er búið! nú situr maður með tær(fleirtalan af tár) í augunum og vonar að tíminn verði fljótur að líða og að Þjóðhátíð 2006 bíði bara rétt handan við hornið.
annars heppnaðist þessi Þjóðhátíð bara þrusuvel. við vorum ekki þeirrar ánægju aðnjótandi að hafa gesti en skemmtum okkur samt vel. tjaldið var vel skreytt: pappírsstjörnur og diskókúla frá spáni í boði evu og þórs. það var bara fullorðins í tjaldinu okkar: tertur og kaffi eftir setninguna og svo smurt föstudag og laugardag. (undirrituð vill vekja athygli á því að það var ekki smurt fyrir sunnudag. það var vegna þess að aðrir sem voru involveraðir í smurbrauðsþjónustu gáfumannafélagsins höfðu ekki rænu á að hugsa sjálfstætt og skella smá salati á brauð. undirrituð var upptekin með leikfélaginu frá 12 á hádegi til rúmlega 17 bæði laugardag og sunnudag.)
en hvað um það leikfélagið sló í gegn þrátt fyrir að soffíu frænku hafi vantað.
veðrið var nokkuð gott. var ansi þéttur úðinn á laugardag og kvöld og fram á nótt. og þrátt fyrir gott fynd með guðný og ástu steinunni (vorum í björgunarvestum í rigningunni) neyddumst við til að fara heim og skipta um hverja einustu spjör! en að sjálfsögðu var haldið aftur í dalinn í aðalpartýið á lundaholum 33!
veislumaturinn hjá ástu steinunni rann ljúft niður með góðu víni á sunnudagskvöld, enda er orðin hefð fyrir því. fór frekar snemma heim aðfaranótt mánudags. aldurinn farinn að segja til sín og maður hefur ekki þetta þrek sem maður hafði áður til að djamma endalaust. dirfðist meira að segja til að hugsa er ég rölti mér heim: ég held mér væri sama þó ég yrði ekki næstu Þjóðhátíð......
skömmustuleg segji ég nú: frábær Þjóðhátíð eins og venjulega! hugsa að ég yrði viðþolslaus ef ég myndi ekki komast á Þjóðhátíð 2006. áfram Þjóðhátíð!

4 dagar í Þjóðhátíð

já krakkar mínir komiði sæl! 4 dagar í Þjóðhátíð og spenningurinn að verða ansi þrúgandi. sá bekkjabíl í gær og hélt að það myndi líða yfir mig af gleði! fór líka í kaupfélagið og verslaði í Þjóðhátíðarmatinn og svo var farið í mjólkurbúðina og ó mæ god....ég ætla ekki að gera alveg opinbert hversu mikið var verslað en við skulum orða það þannig: nóg er úrvalið og engar líkur á því að okkur muni þyrsta fram að áramótum...
heyrði í gær að stella löggufrænkan mín er komin til eyja. gott að hafa hana með sér í liði yfir Þjóðhátíðina. það er aldrei að vita nema að það komi sér vel. þá fer líka að styttast í að þetta uppálandilið sem þykist vera vestmannaeyingar fari að koma. þetta lið kemur einu sinni á ári eða þar um bil! pælið í því ef Þjóðhátíð yrði lögð niður? þá kæmu þau aldrei!!!! svo eru það nottlega börsungarnir (eins og arthúr björgvin bollason myndi orða það) sem ætla að láta sjá sig og endurhanna innihald Þjóðhátíðartjaldsins! bara gaman!
hef heyrt að elvis mæti ekki í ár eins og planað var...en kannski á næsta ári!

aðeins 17 dagar í Þjóðhátíð krakkar mínir! er ekki lífið yndislegt? verið að panta 3 tonn af súpukjöti í krónuna, bæði sviðin og sjoppurnar komnar upp inni í dal og brúin er innfrá en á eftir að setja hana upp. vei!
annars verður nóg að gera hjá kennara í sumarfríi fyrir Þjóðhátíð. halda áfram að koma sér fyrir í húsinu (gunni er t.d. að flísaleggja þvottahúsið as ví spík) og vonandi fara hurðirnar að verða tilbúnar, svo eru að koma gestir um helgina: maggi bróðir og stelpnastóðið(þau ættu að stofna hljómsveit!) svo að það verður heljarinnar fjör, svo má nottlega ekki gleyma öllum undirbúningnum hjá leikfélaginu fyrir barnadagskrána á Þjóðhátíð... það verður að sjálfsögðu geysilega vönduð dagskrá. við erum búin að vera að finna til búninga, pappamassa, búa til kórónur, gera hestagrímu, mála risasleikipinna og svona mætti áfram telja en nú þarf að fara að æfa og það verður eflaust mikil vinna enda viljum við gera þetta vel.
ég held samt að það toppi enginn soffíu frænku sem söng eins og engill á sunnudagsbarna-dagskránni á síðustu Þjóðhátíð!
og allir syngja með: á þjóðhátíííð þar hitti ég þiiiiiig......

tíhíhíhí....fór ég illa með ykkur síðast? ekki illa meint en þeir sem áttu að fá að vita eru búnir að fá fréttirnar. ég vona að ég hafi ekki gleymt neinum... en þið hin sem iðið í skinninu þá koma ðe gorý díteils í dagsljósið væntanlega í haust.
það er margt í fréttum í íslandi í dag: það eru 22 dagar í Þjóðhátíð (jibbí!), ég fór með túrista á tuðrunni minni í fyrradag og græddi 10 þús. kall, hurðirnar í húsið fara að verða tilbúnar, cassý kom með snigil inn í gær en það sem mest er um vert að laila og lúlli eru heil á húfi í amsterdam! fékk nett áfall í morgunn þegar ég kveikti á sky news. og miðað við alvarleika þessara síðustu frétta þá ætla ég að kveðja með þessum orðum: ú-á hryðjuverkamenn!

save a prayer.....lalalallalaaaaa...

hei fólk!
nú er farið að styttast í duran duran tónleikana maður! tæp vika í að æskudraumurinn rætist, vei! keypti greatest diskinn og fékk gömlu arena plötuna skrifaða á disk þannig að nú er bara hlustað á simon og félaga og sungið með hástöfum.
það er soldið fyndið með svona fortíðarflipp hvað maður breytist hálfpartinn í krakkaskrípið sem maður var þegar maður var að hamast við að klippa út úr bravo blöðunum! ég sé herbergið mitt fyrir mér, man hvaða strák ég var skotin í, man ógeðslegu klippinguna sem ég var með, svo fátt eitt sé nefnt... er farin að hlakka geðveikt til og við lilja eigum eftir að garga úr okkur raddböndin.
hvað varðar húsið mitt er ég búin að fara í rúmfatalagerinn og kaupa eldhúsgardínur, veggkertastjaka í borðstofuna, loftljós í eldhúskrókinn og fyrir ofan stigann og eitthvað fleira sem ég man ekki. það er svo gaman að kaupa svona nýtt í nýja húsið sitt....gunna greyinu finnst það ekki alveg jafngaman enda þarf hann alltaf að halda á pokunum...hehehehehe....
en fyrir nánustu vini: þá er ég með frekar góðar fréttir. ég ætla ekki að pósta það núna enda ekki tímabært en ef þið sem skiptið okkur máli viljið vita þá annað hvort sendið þið póst eða hringið. þ.e.a.s. ef við verðum ekki búin að láta vita.
ekki nema 35 dagar í þjóðhátíð! jibbí!

seint blogga sumir....

jamm ég veit! tveir mánuðir liðnir og ríflega það en það er svona að vera bissí og mikilvæg, maður hefur ekki tíma fyrir allt.
to cut a long story short: færeyjaferðin var æði, færeyningar tóku vel á móti okkur og við vorum ekkert skömmuð fyrir að drekka áfengi á farfuglaheimilinu þó það væri bannað. dönsuðum færeyska dansa í götu og smökkuðum á ,,ljúffengum" hefðbundnum mat færeyinga og fórum að sjálfsögðu á færeyska pöbba. kagginn stendur uppúr sem lummó staður en cafe natúr var fínn.
eftir heimkomu tók vinnan við og undirbúningur við flutninga. á júróvisjóndaginn (ég var einmitt í frábæru partýi hjá kötlu) fengum við lyklana að húsinu og þá rifum húsið allt í tætlur og erum að endurbyggja það aftur. það hefur gengið þokkalega þó svo að margt eigi eftir að gera enn. sjómannadagshelgina komu pabbi og gulla til okkar með tré til að gróðursetja í garðinum og þá gistum við fyrstu nóttina í húsinu. vei!
fór svo til ítalíu með starfsfólki hamarsskóla eftir skólaslit. við vorum semsagt að skoða ítalska skóla því þeir eru víst alveg spes....en mest vorum við í rauðvínssmökkun. ég, guðný og helga tryggva vorum rosalega fyndnar þessa viku og vonum að allir sem fengu póstkort hafi verið þakklátir. sum eru kannski ekki komin ennþá en ég vil biðja þá sem ekki fengu kort að móðgast ekki, ég fékk nefnilega sinaskeiðabólgu af bjórdrykkju þannig að ég gat ekki skrifað mjög mörg kort.
er sumsé komin heim og er að dunda við að taka upp úr kössum og svona. þannig að ef að ykkur leiðist megið þið endilega skella ykkur í heimsókn til að hjálpa til við endurbygginguna.
ciao!

það er tíðindalaust héðan frá suðurhafsparadísinni. sambýlingar okkar staddir í prag (helvítin á þeim) og mest af frítímanum fer í kóræfingar. æfingarnar eru svona stífar vegna þess að það eru tónleikar á sumardaginn fyrsta, til fjáröflunar fyrir færeyjaferðina. jibbí! svo nottlega þarf maður að fara að smyrja raddböndin til að syngja: ólafur reið með bjööörgunum fraaaam villir haaannn stillir haaann..., með innfæddum. johnseninn mun svo sjá að brytja niður skerpukjötið og ferja okkur út um allt. vei! við erum meira að segja að æfa drottinn er minn hirðir á færeysku, það er frekar fyndið og erfitt að halda andlitinu þegar maður er að rembast við að bera orðin fram rétt. það á líka eftir að vera erfitt að hlusta á háalvarlegan prest messa á færeysku á sunnudeginum eftir skrall dauðans....heheheh.... en það verður bara gaman.
skál fyrir frændum vorum færeyjingum!

já tæknin getur strítt manni. maður sest saklaus fyrir framan tölvuna og ætlar að blogga um vorið og blómin og tuðruna sína og hvað gerist þá? internal error og allt horfið. sjitt fokk piss! þannig var það um daginn og ég fór bara í fýlu. ætla að reyna aftur núna....
nýjasta af tuðrumálum er það að hún hefur ekki blotnað síðan við fengum hana. það hefur bara verið skítaveður (sem gerist mjög sjaldan hér við suðurhafsparadísina.... ;-)) og nú bíðum við spennt eftir því að geta brunað frjáls hér um alla ála og sund. ég get svei mér þá sagt óhrædd að við verðum skemmtilegasta og vinsælasta fólkið til að heimsækja í sumar! og verið bara velkomin vinir mínir nær og fjær!
nú fer að styttast í færeyjaferð og ítalíuferðina og að fá húsið afhent. það er svo margt að bresta á að maður bara ræður sér ekki fyrir kæti. við árni johnsen verðum að chilla í færeyjum og við marco á ítalíu...vei! og svo auðvitað við gunni í nýja húsinu jibbí!
segið mér finnst ykkur ég alltaf vera að tala um sömu hlutina????? mér finnst ég vera að endurtaka mig soldið en só bí itt.
hei....júróvísjón nálgast. ég held ég geti sagt með fullri vissu að ég muni halda með póllandi. það var freistandi að halda með austurríki en það er eiginlega óld njús fyrir mig þannig að ég varð eiginlega að breyta til. albanía kom líka sterk inn en maður verður að velja og hafna ekki satt? hlakka mikið til að berjast fyrir mínu í teitinu hjá kötlu og örvari júróvisjónpartýhöldurum með meiru!
gó pólland gó pólland!

tíminn líður hratt.....

....á gervihnattaööööld!
jeminn haldið þið að þetta sé leti dauðans! til hvers að reyna að vera nörd ef maður vinnur ekki að því hörðum höndum. þetta er örugglega eins og líkamsrækt: einu sinni á dag kemur skapinu í lag! en þetta er líka eins og með líkamsræktina: maður gefst upp eftir u.þ.b. mánuð....
en hvað um það!
lífið er yndislegt hér í vestmann. við höfum það voða gott hjá ástu steinunni og gauja. losnuðum reyndar við þau um páskana og í stað þess að slappa af fengum við magga bróður og barnastóðið hans í heimsókn. að öllu gríni slepptu þá var það alveg ofsagaman og leiðinlegt að þau skyldu ekki geta verið lengur! það verður bara lengra næst þegar maður verður kominn í húsið sitt og nóg pláss fyrir alla og tuðran verður komin í gagnið. ójá krakkar mínir: TUÐRAN!!!!! það munu verða til björgunarvesti fyrir alla og allir góðviðrisdagar sumarsins verða nýttir í tuðruferðir kringum eyjarnar, útí eyjarnar, upp í markarfljót....út yfir endimörk alheimsins þess vegna! jibbí! já krakkar mínir komiði sæl hér verður aðalfjörið í sumar! utanlandsferðir hvað???
svo nottlega verður aðalpartýið á þjóðhátíðinni hjá mér og heyrst hefur að innanhúsarkitektinn í hópnum sé með ákveðnar hugmyndir að innréttingum í tjaldið!!! styð hana í hvívetna og vona að gáfumenn verði nógu gáfaðir til að fagna þeim breytingum sem hún eva innó boðar!
og talandi um þjóðhátíð. sagt er að elvis muni lifna við og mæta! dánánáná.......

jessöríbobb! maður er fluttur, næstum búin að gera íbúðina hæfa til að skila lyklum og nú bíður maður spenntur eftir 1. júní. við gunni minn erum að springa úr spenningi sem á eflaust eftir að magnast þegar líður á vorið og við förum að sjá fyrir endan á biðinni eftir húsinu.
reyndar erum við í mjög góðu yfirlæti hjá ástu steinunni og gauja og það væsir sko ekki um okkur. sakna kisa reyndar og hann virðist sakna okkar. hann hefur tvisvar stungið af til okkar fyrra heimilis og er gunni eins og þeytispjald á milli að rúnta með köttinn. ég held að bráðum verði kisi orðinn svo bílvanur að þeir fara að fara saman á bryggjurnar! þeir geta þá haft rúðurnar skrúfaðar niður og notið fýlunnar saman sem liggur hér yfir öllum bænum. peningalykt smeningalykt! algjör vibbi!!! þá kýs ég frekar kúaskít sem nýbúið er að bera á tún!
heils
d.

það er nóg að gera á stóru heimili eins og þar stendur. þó að íbúðin hafi ekki stækkað er óhætt að segja að það sé óvenjulegt að hafa 3 búslóðir inni í einni íbúð sem ekki er stærri en þetta. sjæse! jóna mjóna fékk að setja dótið sitt inn í gær. og í fyrradag vorum við búin að tæma litla herbergið plús að taka nokkuð mikið úr stofunni og ýmislegt annað drasl. en svo kom nú bara á daginn að það reyndist ekki nóg!
litla herbergið er stútfullt, frá gólfi upp í loft sem og hálf stofan og hluti af ganginum. auk þess fórum við með eldhúsborðið okkar og stólana til að koma hennar borði, bekk og stólum inn. þvottahúsið prýðir nú tveir ískápar, einn frystiskápur og ein þvottavél (að auki við frystikistuna okkar og þvottavél). geri aðrir betur! við erum líka alveg komin á það að fara fyrr en búist var við. það er ekkert gaman að búa í svona kraðaki!
ég verð því að tilkynna þeim sem höfðu hugsað sér að koma í heimsókn áður en við flyttum að því miður er ekki hægt að taka á móti ykkur :-( það verða þá bara fjöldaheimsóknir í byrjun júní í nýja húsið mitt. jibbí! en það væri kannski betra ef það yrði um miðjan júní, jors trúlí er nefnilega að fara til ítalíu í byrjun júní.
húrra fyrir pylsugerðarmanninum!!!

allah gef mér úlfalda!

jæja, þá er það eiginlega alveg komið á hreint. við hjónaleysin munum yfirgefa palestínu um mánaðarmótin færa okkur austar, það virðist vera rólegra þar...ehehhee...
en við fórum að hamast við að byrja að pakka niður í gærkveldi. við fylltum 15 kassa en það er aðeins brot af því drasli sem var í litla herberginu. sjitt...þetta á eftir að vera svo mikið! en vonandi man gunni minn eftir því að ná í fleiri kassa svo hægt sé að halda áfram í kvöld. nú hugsa eflaust sumir: af hverju að flýta sér svo mjög? jú ég skal sko svara því! við(!) höfum ákveðið að leyfa jónu sem er að kaupa af okkur að geyma dótið sitt hér frá 15. feb. og til þess að það sé hægt þarf aðeins að rýma til. við erum svo ósköp liðleg!
þeir sem vilja ólmir hjálpa til við niðurpökkun og flutninga endilega hafið samband!
knús

sjaldséðir hvítir...

sælir góðir hálsar nær og fjær! (jú líka þið hin sem eruð með flensuna) jors trúlí hefur ekki verið sérlega iðin upp á síðkastið við að auglýsa hvað er að gerast í lífinu....enda er allt rólegt á vesturvígsöðvunum...
við skrifum undir kaupsamning eftir helgi (jibbí) og svo er að fara í gang allt í sambandi við söluna á íbúðinni. enn er ekki komin dagsetning á hvenær við þurfum að flytja út en það verður örugglega fyrr en seinna. ásta steinunn og gaui hafa aumkað sig yfir okkur og við munum búa hjá þeim þar til yfir lýkur. kisi flytur þó í framtíðarheimilið okkar þar sem við treystum honum ekki til að vingast við lennox og tyson (kettina hennar ástu st.) en í staðinn vonumst við til að hann eigi platónskt samband við cassöndru sem er kisan þeirra sem við kaupum af. platónskt spyrjið þið? jú því bæði eru geld og því ekki möguleiki á öðru.
er á góðri leið með að gjörbreyta mataræðinu á heimilinu eftir að hafa séð þætti sem kallast You are what you eat. breskir þættir um fólk sem fær næringarfræðing til að hjálpa sér við að breyta um lífstíl. ókei, fólkið er allt hátt í tvöhundruð kíló en fokk hvað fólk getur étið mikinn viðbjóð og á hann gjörsamlega á lager þannig að það er seif þó að það komi kjarnorkuvetur! tek það fram að ég er algjör nammigrís og finnst gaman að borða góðan mat og hreyfi mig helst ekki meira en þarf. en núna er ég farin að fara út í göngur og borða mandarínur í öll mál! ég verð mjórri með hverri mínútunni! ég verð orðin há, grönn og ljóshærð þegar þið sjáið mig næst!
jæja stutt núna en febrúarheitið mitt var að vera duglegri við að blogga og við vitum öll hversu góð ég er að halda heitin mín....en these are good intensions!
peace!

einu sinni var...

einu sinni var lítil kona og stór maður. þau áttu meðalstóra íbúð og kött. þau ákváðu að þau þyrftu stórt hús til að hýsa alla þá gesti sem streymdu til þeirra sí og æ. svo keyptu þau sér hús og allir urðu voða glaðir að hafa nóg pláss þegar þeir kæmu í heimsókn. nú þau þurftu nottlega að setja meðalstóru íbúðina á sölu sem þau og gerðu. og undur og stórmerki: ekki mánuði seinna er íbúðin seld! næstum á uppsettu verði!
litla konan og stóri maðurinn sungu: lífið er yndislegt... þangað til þau þurftu að búa á götunni í tvo mánuði þar til að þau fengju stóra húsið afhent. í þessa tvo mánuði sungu þau: rabbabara rúna... til að létta sér lund enda er þetta hresst lag. og dag nokkurn, nánar tiltekið 1. júní fluttu þau inn í stóra húsið og lifðu hamingjusöm upp frá því!

gleðilegt ár og allt það...

jæja þá er árið 2005 gengið í garð og hið óumflýjanlega mun gerast nú á næstu dögum....ég mun verða þrítug. ó mæ god! en ég mun taka þessu með stóískri ró eins og mér einni er lagið. ég mun eyða afmælisdeginum í sveitasælu og ró og friði, með andlegan stuðning fjölskyldunnar mér til halds og trausts. ég mun anda rólega, stunda innhverfa íhugun um fertugsaldurinn og drekka ótæpilega af rauðvíni til að gleyma allri þessari vitleysu sem tengist því að eldast!
svo mun ég halda áfram að drekka til að gleyma helgina eftir þar sem ég mun njóta félagsskapar vina og kunningja sem munu hvetja mig áfram til að verða hundgömul þannig að ég geti haldið mörg ammælispartý í viðbót!